ЦIеIудпе май медсестрабурин хIаягъ э. Хье чIалалди мебур бицIи духттурар э. Сагъламвелдин рекъуьъ кар аркьая пешакурарин хIа пай бицIи духттураре. Гьер са кьит пеша барамбар э духттурвелдин лазимвелдихъай. Ме пешайин кIил э гIегвалвелна рехIимлувел хъахьуб. Духттурвелдин пеша гIаттиву инсанди «Клятва Гиппократа» агъа чIал йина хIаву фарцанде итта инсандис чиппифас аттрукьадегьен иджвелин кумак акьасе пуна. Зе...
Гъалибвел агъа чIал хьес ппара багьа чIал э. Ми хье зурба хIаягъас лайикь гаф э. ГIедат идегъилди ме исара шадвелилди къаршиламиш акьасе ерчIудпе майди хье Ватандин ХIа дегIвин Гъалибвел гъушу ягъ. Ттиъ муйцIур исан юбилей э ме хIаягъан. 1941-пе исан июньдин вазалан 22-пе ягъа, хье Советский Союз агъа азман хIуькуматил хIа бала алчархьуне — хабарсузди...
Хъучавея ерчIудпе май. ГьакIанди кIвал аркьая ягъ дава ме хье хIуькуматиъ. Ме хье хIададарира хIабабари зурбадалди дегIвиъ гъалибвел гъушу ягъ э. Фишттин гIезабар, зулумвелар алайшуна гъушуная гъалибвел ичин ме хьес сайисра гьуркIун ягIай адава. Хьес ягIа дегIви агу инсанарикес ахъакьуттарикес, хуру китабарикес, телевизордиас агвар аркьа кинубуриас. Амма батIарди фачатучин мебури ахъаркьаттар, алайшуная ягъарIуьшар, гашар, мекIер,...
Каспийск шагьурдиъ хъучучIуне «Знамя Победы» агъа автопробег. Ме акцин рамкабуриъ ай хьуне знаменной марш, дахъуне Знамя Победы суман хIа пайдагъ, хабди хъучучIуне автобробег. Ме Гъалибвелдин Ягъан символарилди батIар акьу машинарин колонна весе кIилди Дагъусттандиас, хабди Северный Кавказдин джуре регионаридира ЮФОйидира весе. КкиркIвасе Волгоград шагьурдиъ. Фасе «Знамя Победы» агъа акция Дагъусттандис мидегьен лазим идеф? Фас пучин...
Джаллабурисра ягIа мегIелимвел лап джувабдар кар идеф. Амма дуьйил алдея гьеме кар фудай экьвас деве инсанара. Магьа 53-пе ис э Зарият Шерифовна(1972-пе исалас мич) шиниккварис дарсар киланди. Мидегьен гагьди лиханди аячира, мис учин пеша ппара кьабулде. Зарият Шерифовна суман мин хизан -Iели Гамидовичра-мегIелим и. Шерифан Зарият хефе Типпигъарин хуриъ 1953-пе исан 2-пе майди, Хемидан...
«Малая Родина — сила России» агъа II Всероссийский муниципальный форумдиъ ишттарак аркьая Дагъусттандиас са джалга вакилари. Сергей Меликован буюрмишилди ме вакиларин джалгайин кIилиъ гъузуна уйи РДйин Правительствойинра Главайин Администрацин хIаф Махач Омаров. Дагъусттандиас ме форумдиди адиная 60 вакил, мебуригI гIая районарин хIаттар, шагьурарин, хIурарин, АГиП РДйин пешакурар, хъара Хасавюртоский райондин мегIелим Амир Хириясулаевра. «Малая Родина...
Агьал кегъархьуна ая джигьиларис Карибринттар агъа ттур хIурин хIа пайярис ягIай ахьасттава. Фикьас э пичин: Карибиринттар агъа тухумдин багунттарикес дуьйил алмеф Типпигъарин хIуриъ са ХIуьри агъа — Кьизун (Ассибирин) Рамазанан хьир э. ХIуьри — Карибирин Тамаман бицIи чи э. Агьал са ХIуьри дала андавайчира, гьудуркIу са асирдин удигьди мебур 4 ччуччун тухум и — Карибирин...
Хьес джалабурис ягIа агьалдин заманайиъ Iеле итте шейэр ппара хьунаяф. Кане дукандиъ, кканчин базариъ хьурай, удигьай уликк кичархьафра, гъуланфра хьин иттеф, хъара ул атай аве мигелай фи цIае джурайин иттеттар аттархьуна айчин. Тамаши э гьа, гьер са маджлисил кканчира, хьес суфрайил аргвафра ке ппара итте шейъ э. Аяф хьасттава иттеттин тIем дагIафра. Фидегьен замана четин...
Хье Дагъусттандиъ ппара ая ухьтан мукьар, ул йирхIугуна дарцIа суманттар. Мебур ая тIабиIетин кумакилди арайил адиттар хъара зурба инсанари гъиларилди арайил файдиттар. Инсанари акьуттарикес сад э Дербент шагьурдиъ ая Нарын-Къала. Алдея ме шагьурдихъди багу хьегъилди аргвай, дараматарин чавуш суман гьава дагьарил. Гьава цал ачавере ракк дала адатуна адафайшуная лап гьаге нецIухъди рукьуна. Авалдин сакинвел адава...
Москвайиъ «Шатер Рамадана» агъай хьуне Дагъусттандин ифттар. Ме арайил акьуне Дагъусттандин Постпредствойи. КIилин Рамазандин вазала Поклонная гора агъа усаъ Мемориальный мазгитаъ дахъуна ахьасе «Шатер Рамадана». Мисаъ гьер ягъа е са региондис еса мусульман хIуькуматис бахш акьу ягъ хьасе. Ме мегIракайилди адина уйи Российъ ая мусульман хIуькуматарин посолар, регионарин хIаттар, Президентин Администрацин пешакурар, духовенствойин пешакурар, СВОйин...
