Москвайиъ «Шатер Рамадана» агъай хьуне Дагъусттандин ифттар. Ме арайил акьуне Дагъусттандин Постпредствойи.

КIилин Рамазандин вазала Поклонная гора агъа усаъ Мемориальный мазгитаъ дахъуна ахьасе «Шатер Рамадана». Мисаъ гьер ягъа е са региондис еса мусульман хIуькуматис бахш акьу ягъ хьасе. Ме мегIракайилди адина уйи Российъ ая мусульман хIуькуматарин посолар, регионарин хIаттар, Президентин Администрацин пешакурар, духовенствойин пешакурар, СВОйин ишттаракчибурна мебурин хизанар, хъара джуреттара. «Рамадан — гьер са бусулман инсандис ке багьа иде ваз э.

Ме вазала инсанарин йиркIвар, фикирар джурейи мертти аве. Гьерттис кканди аве ме вазала алтухъди идже курар, садакьабур акьас. Иджвелар хьурай, акьу садакьабур, ухIу сивар чве кьабул акьурай» — пуне Табир Маликова.

Ме мегIракайил хуруне Кьурандин аятар, нашидар, акьуне гьер джурейин тамашин викторинабур, детский театральный ансабльди агвар акьуне сценка Москвайин дегIвин ввахттарин 1941-1942 исарин. Адиная гIуларис ахъакьуне Дагъусттандихъас хье валаятин ке хIа дегIвин вахттарин.

Луиза Гусукаева