Каспийск шагьурдиъ, Али Алиеван ттуранихъ хъая Дворец спортиъ18 исахъдегьен шиниккварин вольная борьбайин республиканский турнир ая.

Ме мегIрака бахш акьунаф э Дагъусттандин Игитарин фикирдис. Ме Iудпе ис э соревнованибур кIили гъай Дагъусттандин Федеральный эгидайикк.

Ме турнирди республикайин джалла шагьурариас, районариас Iу вершахъ хъучархьуна спортсменар завал акьуне. Ишттаракчибурис джавизар ая 11 весовой категорибуриас. Турнирин программайиъ багьа мукь фацуная дагъусттанагьлибурин портретарин экспозицибури – Советский Союздинра Российин Игитарин, Ватандин ХIа дегIвийинра Специальная Военная Операцин ишттаракчибурин. Ишттаракчибурис салам йина ке удигьай гъургъуне РД-йин физическая культурайинна спортин министрдин врио Сажид Сажидов. Ме кIвал акьуне фидегьен лазим ичин мишттин мегIракабур акьуб, тарихдин фикир ухIубан рекъуьъ, кегъархьая несиларин тарбия игитарин гьунарарин чишнайилди, ватанперасвелилди, ватандис вафалувелилди фачийина хIа акьас.