«Малая Родина — сила России» агъа II Всероссийский муниципальный форумдиъ ишттарак аркьая Дагъусттандиас са джалга вакилари.
Сергей Меликован буюрмишилди ме вакиларин джалгайин кIилиъ гъузуна уйи РДйин Правительствойинра Главайин Администрацин хIаф Махач Омаров.
Дагъусттандиас ме форумдиди адиная 60 вакил, мебуригI гIая районарин хIаттар, шагьурарин, хIурарин, АГиП РДйин пешакурар, хъара Хасавюртоский райондин мегIелим Амир Хириясулаевра.
«Малая Родина — сила России» агъа Всерорссийский форум э гьер иса аркьа мегIрака, мисади завал ве районарин хIаттар, ариш варишдин вакилар, экспертар хъара сасра джуре къулугъчибура. Мисаъ мебурис акьасе сессибур, хьасе гьер джуре экспертарин гъургъубар. Ме форумдиъ ай хьасе Всеросийсский инвестиционный форум, хъара «Сердце Родины» агъа фестивальра, хабди «Служение» агъа премибура йисе мебурис.
Ме мегIрака арайил акьуф местный самоуправлени авадан аркьая Всероссийский ассоциацийи э, ушу иса мисагI ишттарак акьуне Владимир Путинара.
Ме Москва шагьурдиъ вея Всероссийский муниципальный форумдигI ишттарак аркьай ая Агъул райондин хIаф Закир Каидовра.
Форум хьасе хьибу ягъа, 21 апрельдилас 23 апрельдилдегьен.