Дагъусттандиъ эскерарисна мебурин хизанарис майил ирцIан единый центр дахъасе Дом ветеранов СВО агъай.

Ме кар кIилиди адине «Память гор» агъа общественный центрдиди, мисан хIатти шаб пуна ушухаб. Чин лап батIарди гъургъуне ме кардин суаларихъас, фи гьудуркIайчин, аркьая кар тегIди арайил хьуб бадала.

Са - Iу исарин арайиъ ме организациъ къадарилас вартт кьабул акьуная обращенибур, кардин эессибур хьас кумак акьуная 342 ветерандис, гьерттин хизанарис акьу кумакар рукьуная 800 хулас. Амма ке удигьай зас агуне гьер ягъа са сарайин Iуьрдухъай кар аркьа командайил але къакъна мебурин загьмат. Разрозненый идарабури читинвелар алчархьу инсанарис, мебурин джалла лазимвеларис джувабар  ирцIанди хъучархьайдава. Хье президент Владимир Владимирович Путина тIалаб акьуне СВО ккиркIуна эскерар хулариди верегунас вахтт амий хIезурухь пуна. Верховный Главнокомандующийдин фикирдил зун кIилинди рази э: хье вазифа мебур дамакъилди, хIуьлмат хъай кьабул акьуб э. Миштти идегуна икьрар акьуне ме загьмат джаллабур сад хьуна са идарайиъ дивубан. Гьеме идарайиъ ахьасе «Защитники Отечества», «Память гор» агъа фондара, джалла ме кардихъай алакъа аядегьен инсанара. Ке хIа фикир йина кканде, йирхIунар алдий ади ветеранарин нае пешакардилди, нае консультациди вейчира мебурис алтухъ ахъутIуб зад дахьурай пуна къуллайвелдис. Хьин гъавурдиъ ая, тидас адихаб мебури пеша цIае кIилиластти кIвал акьуна кканве, сагъвел арайил файдина кканве, ислехI Iуьмурдихъдира хаб вардиш хьуна кканве. Дом ветерановдиъ мебурис са ягъан кумак дава лазим вереф, мисаъ вахттунилди чаб арайил хьасттегьен гьер са кьадамиъ кумак акьуна кканде. Дагъусттандиъ СВО-йин ишттаракчибурис майил акьаяф Iари хIуькуматин идарабуриъ дава, мисаъ гьер са йиркIв руцIа дагъусттанагьли инсанди, предпринмателари, джемеIети учин фикирдилдира хъучушуна кумак аркьа эскерарис. Хъугъуб хъая, Дом ветеранов гьакIан идара хьасттава, ме хье ватан ухIа игитарис мебурихъ гъузуна, гьер сайил йиркIв алийина, мебурин дарди – балайис кумак акьуна читин суалар хIел аркьа мукь хьасе. Мебурин джалла иджвелин ниятарис майил йисе. Накь яракь фай ватан ухIай уй эскерарис агвасе хьин гьемишанра чиппин багулив фаяф.