Пресс-конференциъ Абдулмуслим Абдулмуслимова ахъакьуне хIекимари акьуная гьер са кардин багухъас. Са паярихъас пуне мисаъ: Республикайиъ арайил аркьая инвестиционная программа 2023 иса РИПдис фатуная кьайда пулун хьуне 19,8 млрд манат. 1 ноябрьдис 2023 иса ишламиш аркьая цIае 31 джигагь, мисагI гIая больницабур, махьтабар, садикар, хъара хьеттар дивубан курара. Вере 2024 исас РИПдис бюджетиас фатасе 22,7 млрд манат.
Промышленность
Республикайиъ кар аркьая 7 промышленный паркуни (хьибуд хIуькуматинттар, якьуд эесибур хъаттар) 430,6 гайин манзилил, 38 резидентари, 1385 инсандис кар аркьа мукьар хъаттар. 2023 иса 9 резидентари акьу кардин хьуне 5,5 млрд манат.
Ариш-вариш
Ме ис башламиш акьухаб мич республикайиъ хьуная хьибу агъзуралас вартт гьер джурейин ярмаркабур, хъара мишттин ярмаркабур акьас йиркIураъ ая ацIуна районариъра.
Бурунз мехIсул
Ме иса бурунзар узуная манзилар хIа хьуне 500 гайинди, миштти идегуна хьуне 31,4 агъзур га, ме манзилар вартт хьуф 9 ц/га, бурунзарин къайдабур хьуне 150 агъзур тоннайилас вартт.
Багъманчивел
Дагъусттан гъачархьуная хьибу хIуькуматин санаригI, ке ппара емишар авадан аркьаттаригI. 2023 иса багъар узуная 2,2 агъзур гайил, багъарин тарихди мидегьен ппара хьуфттава.
TIибитIарин багъманчивел
Джалла тIибитар узуная манзиларикес Дагъусттандиъ ая 26,6 агъзур га. Ме кIилди вилаятиъ ая багъарикес хьибудпе пай э. 2035 исас фикирариъ ая тIибитIар уза манзилар хъара ппара акьас 34,7 агъзур гайинди.
Iекваринра газарин курар
Догазификацин программайилди Дагъусттандиъ 1500 хулади дивуная газар. 243 инсанарис газар ачадивас йиная 100 агъзуран субсидибур. ПАО «Газпромдин» программайилди 2023 иса 8 газарин станцибур кIенаас кIилиди
цIае акьуне.
ЖКХна джигагьар гъадивубан суалар
Хулар акьубан курарис республика ке удигь гьая СКФОйиъ ая
регионарикес. 2023 исан ахирарис 18 агъзур хизанарин батIар акьасе хулар, ме 36% вартт э 2022 исалас. 2023 иса фикирди ая 1 млн 132 агъзур кв.м. ишламиш акьас ирцIангъилди, ппара мартабайин 150 хулар батIар акьасе.
«Формирование комфортной городской среды» агъа программайилди 2023 иса батIар акьуная 144 манзилар.
Рекъер
«Мой Дагестан — мои дороги» агъа федеральный программайилди 540 куьчабуриъ 259 км манзилиъ ккиркIвасе батIар акьубар. Ме курарис фатуна уйи 2674,3 млн манат субсидин.
Транспорт
Яраг-Казмалярдин дазуйил але улакьар фарта рекъ батIар акьухаб, машинарин ади-ушуб хьибудтти ппара хьасе. Ме рекъ дахъасе 2023 исан декабрьдин вазалан ахирарис. 13 млрд 120 млн рублей фатуная аэропорт батIар акьас.
Луиза Гусукаева
