Дагъусттандин Правительствойин Председательди Магомед Рамазанова «Корпорация развития Дагестана» агъа акционерное обществойин хабдин финансированихъай алакъа иде суалар бадалди совещание акьуне.

Ме мегIракайил гъургъуне республикайиъ арайил аркьая инвестиционный проектарин кардис ирцIан пулун майилдин суаларихъас. КIвал акьасе, Корпорацис региондин бюджетиас ирцIан субсидихъас.

Ме кардин кьастт э организацин дочернее обществойин кардис пул хъучатуб, мебурин объектар тегIди арайил хьас, чIирхIар гIаттирхIа усара кардик кихьас. Премьер-министрди хабар акьугъилди 2025-пе исан ахттармишарилди АО «Корпорация развития Дагестана» агъа идарайихъ Дагъусттан Республикайин удигь арайил дакьу вазифабур хъаме. Гьемиштти идегуна юридическое лицойис кумак акьубан шартIарикес сад э республикайин бюджетин вахттар алттархьу бурджар кедахьуб. Магомед Рамазанован чIаларилди мишттин суаларихъ хъуттурфуна республикайис ппара лазим иде проектарин кар гъурзар акьуна ккандава, гьамебурихъай чIирхIар гIаттирхIа усар арайил акьубан курара.

«Республикайин удигь федеральный партнерарина Дагъусттандин джемеIети хIаву фацудегьен вазифабур садминдавай кIили файшуна кканде! Республикайис стратегический мегIна хъаядегьен проекттар вахттуни ккиркIуна кканде. ХIаву фацу кар кIилди тIалабламабура хъай кIили файшуна кканде, гьику пулара къанунилди ишламиш аркьай», — пуне Рамазанова.

Магомед Рамазанова АО «Корпорация развития Дагестана» агъа идарайин пешакурарис тапшурмиш акьуне Дагъусттандин Минимуществойиди республикайин бюджетин бурдж  фиштти кертас йиркIураъ айчин хабар гьик пуна. Региональное Минимуществойис Минфиндихъай, Минэкономразвитихъай, Минюстдихъай хъара РД-йин Счетная палатайихъай сад хьуна агвар акье пуне чиппинра фикирар 2026-пе исан АО «КРД-ин» бюджетин суаларихъас.

Салихат Малагусейнова