Дагъусттандиъ ая, 2025-пе, иса ушу исари батIар акьас хъучучIуная рекъер арайил аркьая: иссал рекъер IирIе аркьай, чIирхьуна аявусарил цIее асфальт алгьартай, рекъер адава вусариъ аркьай.

Са чIалалди: рекъерихъна, инсанарин хIуьчIанвелдис цIее автобусар гъуршанди ая, аэропорт хъара Iайи хIуьчIан верегъилди, гьалдин джуьрейин аппаратар алиянди, батIар аркьая (модернизироват аркьая).

Дагъусттандин рекъерин Министерствойин хIатти, Джамбулат Салавова, КИФ-дин майдандил ахъакьуне фидегьен ппара агалкьунар хъаячин хье (Дагъусттандин) региондин рекъерин министерсвойихъ.

1. Ке удигьай арайил акьуна кканди ая проектарикес, садпеф: ХасавюртигIди гIачудушуна, хъуруцуна вере 9 км але рекъ дахъуне, агвар акьуная вахттра дахьуна. 2. Азербайджан багухъас вере рекъ IирIе акьуне:
2. 2 джалгайи машинар вереттикес 4 джалгайилди вереф акьуна, тидасра мидас тич гъаре задар ая машинар ппара хьуна, таможняйилас тич-мич ушуб алтухъ хьуная.
3. 2024-пе исан «Безопасные качественные дороги» агъа проекттилди Дагъусттандис 44 цIее кьайдайинттарна, хIа джуьрейин автобусар йиная. Агьал хъара хIа: «Инфра структура для жизни» агъа проекттилди 84 автобус тин пуна, гIерза йина ая МахIачкьала шагьурдин маршрутариъ ихьас.
4. Магьа, агьал хъучавея августин 1-пе ягъас МахIачкьала-Каспийск агъа маршрутдис цIее автобусар гъушанас пландикк ккея.
5. Ме курарихъай МахIaкьалайин аэропорт модернизироват аркьая: 3,5 км ирхевел, 43 м IирIевел але самалютар гъайшай-эркьва, фи джуьрейн кканчира самалютар кьабул аркьа, рекъуьн майдан дархъая. Гебур кидавай, 16 самалют , хатIа кидай гъурзан, тебурис мушат кидава, цIее джуьрейин системабур але мукь аркьая.
6. Ппара ибур ицIанди ая Махачкьалайин ариш-вариш аркьа хIуьлин портунисра. Мисаъ гамибур гъурзан мукьуйин уьркIевел алтухъ акьуна ая, уч порт приватизироват акьуна ая, гич гьучавере рекъ аркьая. Ме проекттис 7,5 миллион манат пул фартаяф Росавтодорди э.

Министирдин чIаларилди, ме проектар арайил акьухаб ппара идже хьасе региондин рекъер: найч вес кканчира вес вей. Рекъер идже хьедегьен, республикайин экономикайисра ппара кумак э: Дагъусттандин экономика лап алтухъ хьасе.

Тамам Рамазанова