Агьал дуканариъ ада джурейин щейэр адава. Амма, джандис зарар хьас дагучIай, фи хьучира гъушанас хатIа э: хьес ягIайдава фиттикес акьунаттар ичин тебур: кканчин Iеле задар, кканчин сасра задар. Кибашттан,гебурик ликIина авей ве фи задар гIайчин гисагI (амма Iемалара чIукь аркьайдава тебур адихьаттари). ЛикIинаттар хурасра лидегьен рехIет дава: муззи, хурас девегъилди ликIина, е сасра чIалалди(Iуьрус чIалалди давай) гъавурдиъ адархьагъилди кеве. Шиникквар махьтабариди ушуф, Iуьрччанттар ппара ве, джагвар задарик кирхIу тIамтIамар кетас, берхIемарин хIаварна гъиливар мертти Iуьччанас четин э. ДехIела кунар Iуьрччангуна, машиниъ архъа порошокар кидай, сасра, тIамтIар кетас аркьа задара ая. Джандис зарар кидаттар (экологичныбур) агъаттар, амма тебурин кьиматари «кьацI икIа» джибинис, агъзурахъ хъучархьуная тин кьимат са бицIи чIилIаниъ ая зад (20Х1). Уджузин задаригI химикатар ппара гIая, шиниккварин джандис зарар йиб мункине.
Миштти идегуна, чин чвас рехIетин, уджузди аттархьа Iемал ягIар акьасе. Ккулинвел дакьуна акьучин, гигI гIая щейэр джикIес четин дава. Ме зад акьас лазим вере задар: — 1,5 исттикан сода, — 0,5 исттикан музе акьу (теркайилди) тIамтIар керта джагвар хозяйственный сегIбун, — 2 ттур (ямагар уха) английский кьел( аптекайиъ авеф), — 5 ттур 5% сиркайин(уксус), — 3 ттур перекись водорода. 15 тIинкI батIар ниъ хъая нае ичира са ччаман( лимонный, мятный лавандовый-нае кьабул вейчин). Аркьагъилди. КIилиастти теркайилди сегIбун муззе аркьа, гигI гIархъа анлийский соль(сульфат магния), содара.
Содайи кунар гIудул аркьа, английский кьела Iуьрччан задар джандил алдукъагъилди аркьа (кондиционердин еринди).
— Мебур ме задттин бина э. БатIарди гIадирхъванде гебур, агIарта гигI перекись водородара, хаб гIадарка сур сурагI гIачавесттегьен. ГисагIди сиркара агIарта, хабра гIадарка. ЯгIай кканде: перекись водородайи Iуьрччан задар джагвар аркьаф, дехIела ме зад ишламиш аркьай ккандt джагвар кунар Iуьрччангуна е Iекве задар Iуьрччангуна ишламиш аркьаф. Сиркайи кьумаш гIудул акьуна, тIамтIамар кевес аркьа. Арайил хьу задттигI батIар ниъ хъая ччам (эфирное масло) агIарта, гера батIарди гIачавесттегьен гIадарка. Хьунде зад ттуранилди алихьа пергаментный кIедж аккихьуна духофккайин къабуъ. Хуппай алчича тебурил (20- дегьен гиргенар аттархьа) сирка агIату хьед алчича са чукь,1ХI акьуна; гьаттивуна, ибгIа мукьуйиъ 9-10 сеIети рукъкъас аркьа.
Кунар машиниъ ачархъагуна, машиниъ са гиргенра ачихьа гебурихъай, архъа саегагьарилас чIукьди гьемишан ишламиш аркьа (уджузинф ичира) порошокра, Iуьрччанде. Чвас агвасе фидегьен мертт вейчин чве кунар.
Тамам Рамазанова
