Республикайиъ мункинвел хьуная физкультурайинна спортин рекъуьн пешакурарис кар акьас эгена 50 агъзурахъди рукьуна инсанар дуламиш вея хIурариди ушучин са миллион манат гъушас. Ме мебурис хIукуматин багухъас пулун кумак э.

Гьеме кар тастикь акьубан кIеджарилас къул дивуне Дагъусттандин Правительствойин Председательди Абдулмуслим Абдулмуслимова.

Гьеме кIеджук тастикь акьуная акьас ккея курарин санар хIуькуматин багухъас рукьая единовременный выплатабур бадала. Ме курар кIилди арайил аркьая РД-йин Минспорти.
Загьматин икьрарин шартIарилди пешакурарис хIуькуматин багухъас пулун кумак рукьая эгена икьрарилди 5 истти кар акьучин. Выплатабур арайил хьас ликIина кканде заявка.

Кардин мукьарин санаригI гIачархьуная спорт-школайин тренерарна мегIелимар Буйнакскийна Левашинский районарин хIурар.
Ая кардин мукьарихъас, хъара выплатабурин шартIарихъас ликIиная региондин кабминдин сайтуниъ.

Наиба Гасукаева