Махачкала шагьурдиъ, «Россия — моя история» агъа тарихдин паркунин майдандил шадвелдин мегIрака кIили файшуне. Мисал «Гордость нации — 2025» агъа кIилди Российин джемеIетин премин, регионарин этапил гъалибвел гъушуттарис джавизар йине. МегIрака хъучучIа вегIдайи мисал завал хьудегьенттарис батIар ибгIа чIалар фай гъургъуне Дагъусттан Республикайин правительствойин вице-премьер Рамазан Джафаров. Ме пуне: мидегьен хIайи ме этап хье республикайиъ кIили файшуб — лап хIа лазимвелдин ишан э.
Ме кардикес кумак ая хье ппара миллатар ая хIа хIуькуматин джемеIетин арайиъ нуьхIуьбатна хIуьлмат ухIас, сад — сайин гъавурдиъ архьуна дусттвел цIуппе акьас. «Ассамблея народов России» агъа общественно — государственный организацин генеральный директор Александр Дарковича салам йине мегIракайин ишттаракчибурис, гIуларис ОГО — йин Советин председатель Владимир Васильеван ттуранихъас мубарак акьуне кIилди Северный Кавказдин регионариас адидегьен конкурсантарис. Мин ахттилатарилди ме иса Ассамблейин флагманский проект цIае дараджай иди айчIуная. Садпугелай са усал акьуна кIилди округарин этапара хIуькуматин муядар федеральный округарин субъектара. ГIалашуварил бахил Дагъусттанди гьер яшарин, гьер джура пешабурин инсанар кьабул акьуфе. Мебури гьертти учифас аттрукьу иджвелин кьут гIачихьай ухIай алтухъ аркьа Российин этнокультурайинра чIаларин девлет. Джавизар йине ключевой номинацибуриас. Мебур хьуне, гьер ягъа джалла багварихъас миллатарин чIал сад акьуна арабур цIуппе акьубан кар агвар аркьаттар, хъара «Одна на всех» агъа спецноминацира. МегIракайин ахирахъди Дагъусттандин Ассамблейин региональный отделенин председатель Зикрула Ильясова чугъсагъулдин батIар чIалар пуне джалла ишттаракчибурис, ватан бадалди дивая мебурин кьимат адавадегьен загьматихъас, миллатарин чIал, гIедат, халкьарин арайиъ дусттвелна садвел ухIубахъас.
«Гьер са ишттаракчин кар ппара ухьтан э, ме кар чун кьацIра гъурзар даркьай давам акье, чун алдихьая лек удигьди вереф хьурай», — пуне ме, гьеме региональный этап арайил акьу, Ассамблейин вакилис чугъсагъулра хъай.
Ильясова кIвал акьуне ме мегIрака арайил акьубан рекъуьъ Дагъусттан Республикайин Правительствойи кIилиъ вице-премьер Рамазан Джафаров ай диву загьматихъас, хъара РД-йин Главайин Администрацин загьматихъасра. Гьеме СКФО-йин «Гордость нации — 2025» агъа Премин этапин мегIракайи, джан але чишна хьуна, сагелай — сара хъара агвар акьуне зурба Российин дусттвелна садвел. Са усал хьин гуджлу э, хье варттал садра гъалиб хьасттава!
Салихат Малагусейнова
