Ахиран хьибудпе ягъа «Устойчивое развитие горных территорий» агъа II-пе форумдин хIа мегIрака хьуне «Социально-экономические аспекты развития горных территорий» агъа пленарное заседание.
МисагI ишттарак акьуне Российский Федерацин природный ресурсаринра экологин министрдин заместитель Максим Королькова, СНГйин Межпарламентский Ассамблейин Советин генеральный секретарь Дмитрий Кобицкийди, Международный форумдин БРИКСдин хIукуматарин президент Пурнима Ананда, Дагъусттандин хIаф Сергей Меликова, Республика Ингушетин хIаф Махмуд-Али Калиматова хъара джуреттарира.
Ме заседани кIили файшуне форумдин оргкомитетин сопредседательди, Российин экспортный центр ВЭБ агъа компанин вице-президенти Олег Хацаева. Мисаъ завал хьуттарис саламра йина ме пуне, мишттин круглый столарихъ, дискуссибуриъ, сесибуриъ форумдин джалла горный суалар гъадивас ве.
«Зун чугъсагъул агъа гьеме кардин вакиларисра модераторарис гьемидегьен иджи ме кар арайил акьуттарис», — пуне Олег Хацапаева.
Хабди заседанин ишттаракчибурис хуруне Российский Федерацин Правительствойин Председательдин Михаил Мишустинан кIедж, природный ресурсаринра экологин Министирдин заместительди Максим Королькова.
«Iудпе международный «Устойчивое развитие горных территорий» агъа форумди ицIанди ая надир мункинвел, арайил акьас ке герек суалар, сад сайихъай иджвелин тажрибабур духIуба акьас, джаллабурис дуьхьуь маслихIетар аттивас, хIуькуматарин алакъабур цIуьппе акьас.
Суварин мерттевелдин карди кIилди саяратин якьу паюнин са пай фацуная, кIилди дуяйин хIа паюнис мертте хьедра хъучарта. Гьалдин гьавайин духIубавелди меркквар уьцIас аркьа, хабди джаллабурис зарар ирцIанде. ЯгIайин ягъа джалла халкьарин удигь гьая хIел акьуна ккане суалар, джаллабури ухIуна кканди ая тIабиIетин шартIар. ИдехIела гьемишттин хIа мегIракабур акьуб ппара герек э», — пуна уйи ме хабарин кIеджуъ.
Дагъусттандин хIатти Сергей Меликова учин паттаасра пуне суварин мукьар авадан акьуб асуллу э, суварин чиппин курариласр, хIуькуматин гIанаъ вере курариласра джуре хIуькуматирихъай ая алакьабуриласра хъара экономикайиласна географиласра.
Суварин манзиларин социально-экономический курарин рекъуьъ хIа мукь фая гьалдин инфраструктурабур арайил акьубав. Фи пучира ме кар асуллу э ачухъ акьу пулун къайдайилас. Ме кар бадала ппара кумак кея национальный проектарикес, мебурин кумакилди авадан аркьа хIа мегIракабур объектар батIар акьуб бадала, цIае усар акьуб бадала, рекъер дуз акьуб бадала. ЯгIайин ягъа хье хIуькуматиъ адава национальный проектар суварин манзиларин социально-экономический аваданвел арайил аркьаттар. Зе фикирдилди хьин ме кардил алучIуна кканде», — пуне Сергей Меликова.
СНГ-йин МПА-йин Советин генеральный секретарьди Дмитрий Кобицкийди пуне, суварин манзиларин аваданвелдихъас гъургъая международный площадкайил.
Гьеме ахттилатаригI гIачучIуне ВКС акьуна Российин экономический развитин министирдин заместитель Сергей Назаровра. Мин чIаларилди агьал джалла экспертарин удигь гьая лап хIайи хIел акьуна ккане суал — арайил аркьагъилди федеральный политика джалла хIуькуматарин суварин манзилар авадан акьуб бадала.
Российин природный ресурсаринра экологин министирдин заместитель Максим Королькован фикирдилди нае мукьуйин кканчира аваданвел ке удигьай асуллу э хьеттилас. Ке Iай ме ахттилат къуьдуьрхьенде суварин мукьарис. Замминистирдин ахттилатарилди ке Iайи фикир йина кканде хьеттин объектарна ресурсар ухIубас.
Заседанин ахирахъди гьерттис йине буюрмишар: гьеме суварин мукьариъ ая инсанарис иджвел акьуна мебурин мертте хьед хъучатубан рекъуьъ кар акьуна кканде пуна.
Батитай Габибулаева
