2025-пу иса фикирдиъ ая муниципалитетариъ Iу агъзуралас вартт чIирхIарин контейнерар алтухъ акьуб. Гьеме кардин суаларихъас гъургъуне премьер-министр Абдулмуслим Абдулмуслимов кIилиъ ай, ЖКХ-йин суаларихъасна рекламайин курарихъас файшу ТКО-йин мегIракайил. Дагъусттандин джиларил контейнерарин майданар арайил акьубахъас гъургъагуна РД-йин тIабиIетин ресурсаринра экологин министрдин садпу заместительди Абдула Умаханова хабар акьуне, гьеме 2025-пу иса арайил аркьая 2188 контейнерарин майданар бадалди ачухъ аркьая пуна 177 млн. манат. Умаханован чIаларилди ме майданар ппара хьудегьен региондин ТКО-йин кьайдабур идже акьас мугьлатра ппара хьасе.
Хъара ме кар кидавайра исан сифтта кIилиас министерствойи арайилди аттивуна уйи 15-д джиндин бурчIинар, мебурикес гьалдис тарг акьуная 7 бурчIан.

Салихат Малагусейнова