РД-йин информацинра печатин хIаф Арсен Юсупов гьучархьуне «Замана» газитин корреспондент иде, СВО-йин ишттаракчи Юсуп Расуловахъай. Ме гьучархьубагI хъара ишттарак акьуне ГБУ РД «Этномедиахолдинг » Дагестандин» вриойи Ахмед Магомаевара.

Юсуп Расулов Курскдин багухъ штурмовик э. Агьал йирхIунар хьуна мис йиная отпуск, ме кар бадала ме гьучархьуне хъай кар аркьа илдешарихъайра.

Мин дженгунин рекъ хъучучIунаф э 1999 иса августин вазала, тегуна ми ишттарак акьуне Дагъусттандиди ачахъу боевикар ккедихьа усагIра. 2024-пе исан ахирари уч разидалди икьрар хъитIуна Российин Миноборонайихъай ушуне Ватандихъас дженг дивас СВОйиди.

Арсен Юсупован чIаларилди ппара зурбавелра ватанперасвелра хъая ме «Замана» газитин илдешихъ, фи кардис хьучира кумакра аркьай кканде СВОйин ишттаракчибурис.

«Зас кIвалди аме, чак, ве дустта рик, илдешарик ппара дамакъ кей уйи вун рекъуьл аркьагуна СВОйиди, ягIа час хъара нуш э вун чахъай гьемисаъ ахьуб. ДегIвиъ вахъай хъара хье ватанагьлибура ая ватандихъас дженг диваттар, гьер инсан бурджлу э чве игитвел йиркIуралас гьадатубан. Чун гIаттивуная чвас Ватан ухIубан пеша — чве игитвел чишна э кегъархьая несиларис», — пуне Дагинформдин хIатти Арсен Юсупова.

Ме гьучархьу усал Юсуп Расулова ахъакьуне дегIвиъ алчархьа читинвеларихъас, учин дегIвин дусттарихъас. Хъара ми хабар акьуне, учин йирхIунар алайшухаб, хаб СВОйиди вес йиркIураъ ая пуна.

КIвал акьасе, Дагинформди ппара загьмат дивая СВОйин ишттаракчибурисна мебурин хизанарис кумак акьуб бадала. Ягъди дегIвиди гуманитарный кумак гьикаф суман, хулан хизанарисра гъил гьучихьа гьер джуре акьуна ккане курар арайил акьас.

Батитай Габибулаева