Махачкалайиъ Дом Дружбайин конференц залдиъ парламентин спикер Заур Аскендеров председательвелдиъ ай хьуне заседание Совета Дагъусттандин муниципальный образованибурин.

Ме заседанил ишттарак акьуне Народный Собранин депутатари, Дагъусттандин хIаттин вакил Народный собраниъ Нюсрет Омарова, Главайин Администрацинра Правительствойин вакилари, Изберкомдинттари, хъара шагьураринра районарин Собранин депутатарира, мебурин хIаттари. Заседани дархъай амий Дагъусттандин НСдин Председательди Заур Аскендерова кIвал акьуне, хье республикайин хIатти Сергей Меликова Народный Собранис Посланил алийина уйи суал багу вахттари хIезур аркьагъилди фиштти кар аркьайчин местный самоуправленин идарабури хье республикайиъ.

Ме кар бадалди арайил акьуна кканде «Об общих принципах организации местного самоуправления в единой системе публичной власти в Республике Дагестан» агъа Федеральный къанунин положенин суалара.

«Ме къануни духIуба аркьая удигьайин Федеральный къанун № 131- ФЗ, хубджи гагьди ме къанунилди кар аркьай уйи муниципалитетари. ЦIае къанунин сур кьайдабур кар акьас хъучучIасе 19-пе июньдилас. Ме къануни мункинвел йисе хIуькуматин регионарис чиппин кIилилди гIаттивас местный самоуправлениъ аркьа кардин системабур. Гьер субъектин учин аркьа кардин надирвел ахьуна кканде», — пуне Заур Аскендерова.

Заседанин ишттаракчибури майил акьуне мисал гьучихьуная предложенибурис. Агъул райондиас ме заседанил ишттарак акьуне хье депутатарин Собранин председательди Салих Алиева.

Батитай Габибулаева