Республикайин хIатти Сергей Меликова тайрикь акьуне Петербургдиъ вея гьер миллатарин форум, ахъакьуне гьеме форумдин площадкайил арайил акьас фикирдиъ ая курараихъас. КIвал акьасе форумдигI ишттарак аркьая Дагъусттандира.

18-пе июньди Петербургдиъ вея форумдин площадкайил чин башламиш акьасе че кар. Дагъусттанди якьудпегелай э гьеме кIилди дуньяйин махлукьдис герек иде кардин вакъияйил агвар аркьай учин аваданвелдин мункинвелар. Х

ье регионди гьер иса ишламиш аркьа мункинвелар гьеме ттур ая форумдин площадкайил: икьрарин ке герек иде кIеджарилас къулар дива, танишвел аркьа цIае илдешарихъай, кьабул аркьа ке хIа корпарацибурин хIагьуларин майил, хъара Российинра, кIилди дуньяйинра таджрибабура.

Дагъусттанди арайил аркьая ке хIа проектар, рагъунна кулакин электростанцибур, арайил акьуная 21 махьтабар, исламский банкингдин идарабур, туристарис арайил аркьая цIае манзилар, чIирхIар гьаттива комплексар арайил аркьая, арайил акьуная шиниккварин футбол. Танишвел акьуная Ближний Востокдин багухъая хIуькуматарихъай, рекъерин проектар Махачкалайис цIае автобусар кIилди ме курар башламиш акьуне Петербургдин экономический форумдил. Ме исара чин гъузуна уйи Петербургдиъ вея гьер миллатарин форумдихъ. Мисал агвар акьасе чин арайил акьуная са пай курар, фас пучина вакъиайин удигь гьучIас хьасттава. Дагъусттандис гьемишан зарар кеве кьадмивел хъада бензинарикесна газарикес.

Ме кар бадалди чин гьергелай гъадива суалар. Агьал улакьарин эессибурис ая четинвел гьаттивас час хъитIанас канде икьрар лап хIа топливный компанибурихъай.

Гьеме иса республикайиъ акьас фикирдиъ ая гьалдин заманайин тIалабарилди акьуная АЗСар. Хъара иджвелин хабар хьасе хIа халкьдис Дагъусттандиъ арайил акьас кканди ая СКФОйин ке хIа Озондин склад. Гьеме кардихъасра сифтта гъургъуне ПМЭФдил 2023 пе иса. Ме кардин бегьемвеларин къайдабур зас агуная. Мункине гьеме ягъари ке хIа маркетплейсарин хIагьуларихъай икьрарин кIеджарилас чин къулар дивуб.

Ме кар арайил акьуна фидигьен инсанарис кардин мукьар арайил вейчин, экономика фиштти гъадивайчин, Озон ишламиш аркьаттарис фидегьен ачухъвелар вейчин гъургъунай уйи лап дахи.

Гьеме ягъари ппара хьасе гъургъубарна гьучархьубар республикайис лазим иде курарихъас. Гьелбетта кIилди дунья хьин джалла гъузуная форумдин заседанихъ мисал гъургъасе хье президент Владимир Владимирович Путин.

Дагъусттандин командайис кьастт йине хьудегьен иджвел кеттив пуна ме форумдикес.

Наибет Гасукаева