15-пе июньди МахIачкъалайиъ, Расул Гамзатован ттур але яIанигI куьчайиъ, Дагъусттан республиккайин валибур, хIуькуматдин хIуькумдарарна, амеде инсанар завал хьуна, эркегди, уч кIилил алди аягуна, зурбадалди кар акьуна, инсанаринра, хIуькуматдин валибуринра улиъ ай уйи Дагъусттандин почётный Председатель Госсовета Республики Дагестан, РФдин Герой труда Магомедали Магомедовас алийи памятник дахъуне. Ми уч ресрубликайин удигь гьаягуна Дагъусттандиъ ислехIвел ухIуна, инсанарин арйиъ нуьхIуьбат ухIухIела.
Гьеме ягъа, 2025-исан июньдин 15-пе ягъа, Магомедали Магомедован 95 ис хьуна ахьаси.
Ме памятник дархъа мегIракайил РФ-дин Президентдин Администрацин заместитель Магомедсалам Магомедовра уйи, РФ-дин Президентдин СКФО-йин полномочный представитель Юрий Чайкара, «Фонд развития территорий» агъа компанин попечительский советдин председатель Сергей Степашинра, Дагъусттан республикайин кIилил але валибурна, федеральный ведомствайин вакилар, Магомедали Магомедовахъай Госсоветдиъ кар аркьай уйи инсанарна, амеде хIуькуматдихъас йиркIв руцIа инсанар алди уйи.
РФ-дин Президентдин СКФО-йин полпред Юрий Чайкайи Российин Президент Владимир Владимирович Путина гьикуная кIедж хурунеХIуькуматдин хIатти ахъакьуне Магомедали Магомедован зурбавелдихъас, гин, акьуна ккане лазим иде, курарил цIуьппи гъузубахъас, гьете Кафал (север) багвун Къафкъаздис суман кIилди хIуькуматдисра четин исари хIуькуматтин кIилинвел (целостность) ухIуна, кьатI дахьуб бадалди ми акьу курарихъас ахъакьне.
Президентдин Администрацин руководительдин заместитель Магомедсалам Магомедова джалла, ме памятник акьуттрисра, дархъавусалди адиная инсанарисра, гIуларис- джаллабури акьу кардис чухсагъул хьурай пуне. Магомедсалам Магомедова джуьрейи ккеттирхIуне Российин Президентдин кардихъас, мусхьучира Магомедали Магомедовахъас чIал хъаттаргIай, ги аркьа кардил бахилди уйибахъас пуне.
Дагъусттандин хIаф Сергей Меликов — ппара иджи гъургъуне Магомедали Магомедова уч хIавелди аягуна(Председатель Государственного совета РД идегуна) хIуькумат бадалди аркьайи курарихъас, ги Дагъусттандисна Российис иджвел хьубахъас гъурзандигъилди ахъакьуне: хIуьджат даркьай, инсанар гъавурди ихьайигъилди, лазим вегIдуни учин гафунил цIуьппи гъурзанди, гъалибвел гъуршандигъилдира пуне. Магомедали Магомедов суман инсанар Дагъусттандин халкьдис мусра хум весттава.
Тамам Рамазанова
