Хье хIуькуматдин тIабиIетин батIарвеларихъна мерттевеларихъ хъуланттарихъ чиппин хIаягъ хъая.
Ме ягъас «День эколога» агъа. Ме хIаягъ акьас хъучучIунаяф 2007-пе исан 21-пе июльдинхаб э хIуькуматин хIатти, Владимир Путина, буюрмиш акьуна «День эколога» акье пуна. Тегунан хаб, 2008-пеисахъас 5-пе июньди аркьа ме хIаягъ.
Ке удигьай ме ягъ лазим э гьеме кардин пешакурари фикир йиб бадала. Те вахттари алтухъ фикир ирцIандавуй ме кардис. Ме пешакурарин министерствойиъра ягъди духIубабур вейи. Амма 2025-пе исас иджвелихъди духIуба хьуне ме ус.
Хье хIукуматиъ День эколога ппара лазим хIаягъ э, фас пучин Россия ке хIа манзилар хъая хIукумат идеф суман ппара фикир ирцIанде гьер джуре направленибурисра: мебур алгъузуная дуьньяйин гьавайин духIубавелдил, дарарин, хIуьларин, нецIварин мерттхьунил, хъара дузди ишламиш акьубал тIабиIэтин девлетар.
Гьеме ягъа дуьньяйин батIарвеларихъас мерттевеларихъас йиркIв руцIаттари аркьа гьер джурейин мегIракабур инсанарис агвар акьас фиштти ахъаджихIуна кканчин дарарихъ, чIирарихъ, нецIварихъ.
Ме кар бадала хье Дагъусттандиъра аркьа гьер джуре экологинмегIракабур: конференцибур, семинарар, акцибур, субботникар. Иджи кар акьу, ме кардин пешакурарис ирцIанде джавизар.
Ме ягъа джалла шагьурариъ районариъ ая волонтерари, активистари аркьа субботникар, мерттар аркьа джигагьар, хьеттин багулив фая къирегъар, уза кIурар.
Хье республикайинра мерттвел бадала ппара фикир ирцIанде ме кардин джувабдарвел фая Минприродайин пешакурари.
«ЯгIайин ягъас тIабиIетин мерттхьун ухIуб бадалди арайил акьуная 4 чирхIар гIаттирхIа объектар. Гьалдин хабра йиркIураъ ая ме кар давам акьас. Хьин фикир дакьучин хьес мертте гьавайихъас сасрабури хъара фикир акьасттава. Гьер са инсанди учи чиркин акьу мукь мертт дакьудегьен гагьди, дуньяйин мерттхьунра ухIас хьасттава. Див хьин джаллабур гьеме кардихъ йиркIв фай хъучавес», — пуне Дагъусттандин природный ресурсарин министр Ратмир Расулова.

Батитай Габибулаева