«Дагестанская правда» агъа газитин джигагьиъ хьуне Дагинформдин цIае хIаф гIаттивубан мегIрака. Дагъусттандин хIаттин указилди мисан хIаф хьуне Арсен Юсупов, удигьастти редактор и «Замана» агъа газитин, хабди ме Этномедиахолдинг «Дагестан» агъа усан хIафра и.
Агенствойин пешакурарисра СМИбурин редакторарис ме кар дихъас хабар акьуне Правительствойин Председательдин заместительди Рамазан Джафарова, Главайин Администрацинра Правительствойинра руководительдин заместительди, информационный политикайин Управленин хIатти Рашид Акавовара.
Рамазан Джафарова чугъсагъул пуне Дагинформдин удигьай уйи хIаттис Абдуразак Джамалудиновас, ме акьу кардихъас, хабдира хъугъуб хъая зе цIайи хьуная хIаттира башттанди кар акьасттава пуна, учин багухъасра алучIасе хъара информационный отрасль авадан акьуб бадала.
Рашид Акавовара ахъакьуне журналистарин пешакурари акьуна ккане курарихъас, хъугъуб хъая мебур джалла бегьем хьасе пуна, мубарак акьуне Арсен Юсуповасра учин цIае къулугъ.
Хабди мисаъ цIае хIаф хьубахъас гъургъуне Дагъусттандин отделенин СЖРдин председательдис, «Лезги газетин» редактордис Магомед Ибрагимовас, хъара Дагъусттандин цифровой развитин министрдис Юрий Гамзатовас.

Батитай Габибулаева