ГБУ РД «Этномедиахолдинг «Дагестандин» цIае хIаф Абдуразак Джамалутдинов хьуная пуна, хIуькуматин багулихъас мегIлум аркьа мегIрака хьуне. Ме мегIракайигI ишттарак акьуне главный редакторари, Этномедиахолдингдин пешакурари, хъара журналистари.
Дагинформдин хIатти Арсен Юсупова Этномедиахолдингдин цIае хIаттихъай таниш акьуне. Ме кIвал акьуне Абдуразак Джамалутдинов ме кардин рекъуьъ цIае инсан даваф, ппара батIарди таниш э ме медиаотрасльдихъай.
«Ме лап дариндиас гъавурдиъ ая СМИбурин сферайиъ арайил вере курар — лихунарин, зе хъугъуб хъая, Абдуразак Джамалутдинова батIарди йиркIв фай, сув суман гъузуна учин идарайин, пешакурарин дузвел ухIай кар акьасе», — пуне Арсен Юсупова.
Учин багулихъас Абдуразак Джамалутдинова хIа чугъсагъул пуне учихъ эхIттибар хъихьубахъас, хъара учин таджрибайикесна ягIарвелдикес Этномедиахолдингдин кар авадан акьас кумак хьасе пуна хъугъуб хъахьубахъас.
«Хьин кар акьуна кканеф Iари гIедатар афухIубан рекъуьъ дава, хъара хьин загьмат дивуна кканде кIилдибурин цIаевеларихъ хъучархьубан рекъуьъра, хаб чукIуна ккандава, вахттунихъай лек афишай удигьди тIушуна кканде», — пуне ме.
ЦIае хIатти хъара кIвал акьуне, ке дахи хIел акьуна ккане суаларикес сад дагъуссттандин информационный пространствойиъ миллатарин СМИбурин мукь цIуппе акьуб э пуна.

Салихат Малагусейнова