Ме суал агьал арайил аркьая кунар дуьркьан идарабурира хъара джуре идарабурихъай. Кьанди ме ахттилатихъас гъургъуне Совет Фе дерацин садпе заместительна вицепремьер Ризван Газимагомедов.

«Вере вахттарис, че фикирарилди махьтабариди вере шиникквари аликIасе батIар цIуппе хьейин кунар. Нагагь ме арайил аркьая проект дузди хьучин хабди джуре регионарира агвар акьасе. Дагъусттандин ахттилатарихъай рази хьуне, фас пучин кIилин валаятиъ Северный Кавказ ке хIа хьеярин производитель идехIела», — пуне Яцкина.

КIвал акьасе хьин, сифтта ме кардихъас гъургъай, махьтабариди аликIа кунар хьейикес акьасе агъай гъургъуф Дагъусттандин Правительствойин Председатель Абдулмуслим Абдулмуслимов э. Ме ахттилатар ми акьуф 2023 иса сентябрьдин вазала Минводариъ вея мегIракайил ий, тегуна мисаъ уйи хъара Андрей Яцкинра.

2024 иса цулана, Абдулмусим Абдумуслимова гьучихьуне джаллабурин кумакра фай хъай хье кунар дуьркьан идарабура арайил акьас махьтабин кунар. Дагъусттандин Премьерди пуне, гьер махьтаби хъай дадар-бабарин фикирара гIаттивасе чиппис хъудуьхьуь кунар. Ме кунар дуьркьан кьумашигI хьей гIачатуна акьучин ацIуна исари ишламиш акьас хьасе джуре синтетика гIая кьумашарилас. Шиниккварисра рехIет хьасе мишттин кьумашин кунар аликIас. Хъара. Ме кьумашикес акьу кунарин кьимат хIаф хьасттава.

Дагъусттан — джаллабурилас ке удигь гьаяфе хьеярин производствойиас. Гьер иса гьер джурейин хозяйствобури арайил аркьа 14,5 агъзур тонн хьеярин. Ме джалла валаятиъ арайил аркьая хьейин кьайдайилас 32% э, хъара 65,6% СКФОикес. 2024 иса октябрьдин вазалалас мич Дагъусттандиъ хIезур аркьая кунар дуьркьан пешакурар. 2024 иса ноябрьди хьейикес акьуная кунар агвар акьуне Махачкалайиъ выставкайиъ.

Луиза Гусукаева