Ме кардихъас Россйин просвещенин Министрди ахъакьуне всероссий ский штабиъ махьтабар садикар батIар акьубан курарихъас гъургъа усаъ. Ме мегIракайигI ишттарак акьуне хъара Генсоветин секретарьди «Единой России» Владимир Якушева, хъара джуре регионарин хIаттарира. Сергей Кравцова чугъсагъул пуне джалла ме чиппил алийная вазифабур арайил акьу регионарис. Хабди хъара иджи ме курар арайил акьас давере регионарис кумак акьас аркьагъилди мебури. «Пасе Московская область, Москва, Санкт-Петербург, Чеченская Республика, Краснодарский край, Нижегородская область, Дагестан, Белгородская область. Мебурин гьерттарин пул фатубан кьайда джуреи, гьер джурейин читинвелар уйчира мебур джу-джуре регионар э. ДехIела миштти идегуна суал гъайша, гьуркIаяв пул гьуркIай аду пуна дава, мисаъ герек иде дузди чиппис алийная вазифабур кIили рукьас акь уб э», — пуне просвещенин министрди.

Джалла махьтабарин капремонтин программа, агьал араил аркьаяф «Единая Россия» хъай Минпросвещенира, ме гIачархьая партийин народный программайигIди. Ме программа арайил акьунафи 2021 иса «Единая Россия» съездиъ валаятин Президенти Владимир Путина. Джалла ме курар сифтта башламиш акьуна хабди алгъатIубар акьасттегьен уликк ккеяфе Госдумайин депутатаринра, сенатораринра партин, мегIелимаринра, дадар-бабаринра. КIвал акьасе алттушу иса Дагъусттандис идже кар акьубахъас, алийная вазифабур кIили рукьас акьубахъас гьер джурейин джавизар йина уйи.

Мебур Сергей Меликовас йине «Россия» агъа выставка-форумдиъ Российин вице-премьерди Татьяна Голиковайи.

Луиза Гусукаева