Дагъусттандиъ варвар ухIубан кар авадан акьас, республикайин бюджетиас 2026-пе иса фатасе 10 миллион манат пул. Фиттис ишламиш акьасе ме пул?

Субсидибур ишламиш акьас кехьасе пасекабурин техническое перевооруженис, хIезур сурсатин кьадмивелна ухьтанвел алтухъ хьубан рекъуьъ.

Фермерар — варвархъанарифас хIуькуматин кумак ишламиш акьас хьасе:
Уьтт мертт акьуна къабариъ агьатуна арайил акьубан рекъуьъ ишламиш аркьас, цIае джурайин деликар гъушанас;
Пешакар варвархъанарин инвентарь цIае акьас;
Пасекабурин генетикайин кьайда идже хьуб бадала загьматкеш варвар гъушанас.

Варвар — хIа хайирдин залог э. Варвар ухIубан кардин иджвелилас, Республикайин хIурин магIишатин аваданвелра ппара
асуллу э. Хье тIабиIетиъ варварив э садпе мукь фаяф гьер са сурсатин опыление акьубан рекъуьъ. Гьемебурин кардилас асуллу ий хIа пай емишарин, натиджабурин мехIсул алтухъ ве 30 процентилас 100 процентилди рукьуна. Дагъусттандин уьттан надирвел Дагъусттандиъ лап хIа мугьлат ая экологически мертте сурсат арайил акьас:

Уьттарин рекъуьъ кардик кея 5000 агъзур инсандихъ хъучархьуна.
Гьер иса арайил аркьа уьттан кьадар 1000 тоннайилас вартт э.
Сур пасекабур, 2000 агъзур метрин гьававелдиъ ая хIуьлихъай гьучикIугуна. Ме карди мугьлат ирцIанде лап надир уьтт завал акьас, эндемик — IуькIерилас.

Ахттармишари агвар аркьа: хье уьттахъ зурба антибактериальный свойствабур хъаяф, мин тIемра ппара ухьтанф вереф.
Субсидибурин документар кьабул акьас хъучучIасе гьеме исан марттин вазала.

Салихат Малагусейнова