2025-пе иса Дагъусттандин социальный аваданвелдин Министерствойин идарайиъ хъитIуная 6674 агъзур манатин икьрар.

Гьеме социальный икьрарин кьайдабурилди хIуькуматин багухъас ватанагьлибурис хьасе кумак инсанарин мункинвел хьасе Iуьмурдин шартIар гъадивас. Ме карди сайиштти фикир йиная ватан ухIая эскерарисна гебурин хизанарис. 435 икьрар хъитIуная СВО-йин ишттаракчибурис гебурин хизанарис. Мебурикес: 340 икьрар хьасе хизанарис; 95 икьрар хьасе СВО-йин ишттаракчибурис.

Ме кумак ирцIанди ахьасе гьер курарис: гьерттис мункинвел хьасе ачмиш акьас са кар, ухIас мал-къара ухIас, курар фадавай четинди аттарис мункинвел хьасе кардик хьас. ХIуькуматин багухъас кумак гьинас рукьая? ХIа хизанарис садтти дуламиш вея ватанагьлибурис. Республикайин ая къайдабурилас, къазанджибур чIукьди аттарис. СВО-йин ишттаракчибурисна гебурин хизанарис.

Социальный икърарилди йиная пулун кумак ишламиш акьас кея ?

— Кардихъас руцас.

— (ИП) ачмиш акьуна ариш-вариш арайил акьас.

— (ЛПХ-йин) программайилди мал-къара ухIас.

— Кея ишламиш акьас Iуьмурдин четинвелар аттарис.

Икьрарис йиная вахтт 3 вазаллас 12 вазалалдегьен гьер са инсандин кьасттунихъ хъуттурфуна. Эгена чваал чве багу-кIиларил алчархьуна айчин Iуьмурдин четинвелар чвас мункинвел ая гьучавес чун яшамиш вея мукьуйиъ ая социальный аваданвелдин идарайиди, хъара лазим иде хабарар ахттармиш акьас.

Наиба Гасукаева