Хье Агъул райондиъ, Дагъусттандин сасра мукьариъ суман, мус хьичира аяф э райондин халкъ бадалди, хIуьукуматдин гьер са кар бутмиш хьебан бадалди йиркIф фай, чиппис алчархье курар аркьаттар э. Сад мебурикес Курбанисмаилов Магомедрагим Шабанович и.
Курбанисмаилов М.Ш. хеф и Хьирагъарин хIуриъ 1924-пе иса. Чиппин хIуриъ махьтаб ккиркIугъилди (тегуна 7 исан махьтабар и аяф райондиъ), Магомедрагим ушуне мегIелимарин курсар хурас-педучилищайиди. Педучилище ккиркIуна адегуна, райОНО-йи ме гьикуне мегIелимар адава бицIи ГIенкIлагъарин (Анклух) хIуриди. Мисаъ ме мегIелимра и, директорра -джалла махьтабин курар мил и алдей уйиф (малокомплектная школа). 
Весттава дапуна, учис гуни акьас 5-пе класиди вея учин чира хъай ушуне Магомедрагим тич. Ме хIуринттари ппара иджи кьабул акьуни ме. Ме шиниккварисна, гебурин бабар-дадарисра кьабул вейи, мисан халкьар мисра.
1940-пе исалас 1952-пе исасттегьен илгуне ме ГIенкIлагъарин хIуриъ. (ДегIви хъучучIугуна мис кканхьуне учра вес, амма Хеварин военкомат ме тич гьикас рази хьундавакомисоват акьуне. Ппара дард кей уйи агъа Магомедрагимас ме кардикес. Ми, учифас вере кар аркьай, кумак йине хIуькуматдис.) Мин аркьа кардил джалла разиди уйи: райондин хIаттара, хIуринттара. Ми йиркIв фай кар аркьахIела, райкомпартин хIаттари 1952-пе иса Курбанисмаилов гьикуне МахIачкъалайиди Высший партийный школайиди. 1954-пе иса, ккиркIуна тевусра, адине Магомедргим райондиди. Райкомдин хIаттари мис тапширмиш акьуне колхоздин председательвел акьуб. 1954-исан хаб 1965-пе исасттегьен ме чиппин хIурин «Ким» агъа колхуздин председательвел аркьай уйи. Ме кар аркьа исари, сасра хIурарин колхузарин къабахъ хъая колхоз, ке удигьаф хьуне учин агалкьунарилди. Магомедрагим двадцатипятитысячникар агъаттрикес сад и. Ме кIилил алди «Ким» агъа колхуз райондиъ кидай- республикайин «Доска почета»-йиди аттархьуни. 1956-пе- 1959-пе исари ме колхоздин ппара Iайи ттур ай уйи.(Гьеме исари и ме «Дока почета»-йиъ аяф). Колхуздиъ кар аркьай, Курбанисмаилова сельхозинститутра ккиркIуни, Бакуйиъ высший партийный школара.
1965-пе иса райондин камунистари Курбанисмаилов М.Ш. февральдин вазала и.о. исполкомдин секретарвелди гIаттивуни, са вазалас микес секретарь исполкома хьуни.
Учин кардик са багьана кидикагъилди кар аркьаф и ми. 1967-пе иса мартин вазала Магомедрагим Ш.К. Агъул райондин «Комитет народного контроля» агъа идарайин председательвелди гIаттивуни. Ме кардилра, учихъай райондин садпе секретарь райкома Шасудинов Фейзулагьана исполкомдин предсетель Магомедов Нураттина суман, са багьанара кидавай кар акьуни. Ме кардил алди аягуна Курбанисмаиловас Почетный грамота еф и:»»За активную работу в органах народного контроля СССР» агъаф.( 1971-пе иса 23-пе сентябрди).
Сасра вахттарин грамотабура хъая михъ. 1973-пе иса, 14пе августтин вазала Курбанисмаилов.М.Ш. Агъул райондин исполкомдин председательвелди гIаттивуни. Исполкомдин председательвелди1980-пе исасттегьен кар акьун и ми. Ми иджи кар акьаф идехIела, 1980-пе иса Магомедрагим Шабановичас Сельский хозяйствойин Министермтвойиди унахъуна, файшуне рефрентвелди. Амма ппара гагьди кар акьас хьундава мифас тисаъ- сагъвел хъундай, вахтт дахьуна пенсиди ушуни.Ме персональный пенсионер и. Пенсиъ аячира Курбанисмалов МахIачкъалайин центральный паркунин начальниквелди гьикуни. Начагъвелдифас 1984-пе исан 2-пе июльди кIини. Магомедрагим нае кардил алди айчира, михъай, мис гъил гьучихьай, учин хьир Имитайра кам хьефттава. Мебурин кьабахъ чиппин 5 валадна, хуттулар хъуме. Шиникквара дадар-бабарин хъуьссу ире хьас атуфттава. Iудар хIа шиникквар:Магомедна, КамилмегIелимар и: сад биолог, сасра филолог; хIа рушРуманията финансовый техникум ккиркIвухаб, ДГУ-йин экономический факультетдин «Финансы и кредит» агъа отделени ккиркIуни. Гьер джуре коммерческий идарабуриъ кар акьуф э (агьал пенсиъ ая). Пакизат агъа руша ДГУ-йин филологический факультет ккиркIуна, ягIара кар аркьай аме. Хьибудпе-Магьизат агъа рушафас, дадахъ ахъадижахIай, высший учебный заведенибуриъ хурас хьундава, амма техникум ккиркIуна , садикдиъ кар аркьая. Джаллабурин, чаб хунайде Агъул район, хум вей адава мебурин. Руманията джалла хье райондин инсанарис салам-дуьгIебур гьикая. Райондин хIаягъ нубарак хьурай агъай. (Те зе одноклассница э). Агъул райондин халкьдин джандин сагъвел, йиркIвуран сакинвел кам дахьурай. Гьер са инсанди учин мукьуйил, аваланттари суман, йиркв фай лиханди, хье райондин агалкьунар вартт акьурай агъая Руманията.
Тамам Рамазанова
