IАМАЛ ХЬУНА ППАРА

Я, Аллагь, Iамал хьуна!

Фидж дустт э зе фидж душман.

НицI суман Iамал хьуна,

Пул адавай зегьреман

 

           ЧIИРХ IЕФ

Агутарис иджеф э

Малайикдис ухшар кеф

Амма чIирхIе инсан э,

Вас алчагъ курар кканеф

 

               ХИЯЛ

Зи джандик хиял кея

Мидин ахир хьасе гьан?

Iумур пашманди вея.

Ерхи Iумур фес э гьан.

 

          АДАСТТАВА

Джигьил исар гулуна,

Хаб сара джикIеси гьан.

Хъае  бабра зи кина,

Iашай Iумур веси гьан.

 

               ДАРД

Вун уларис зи дагвай,

ЮркI зи уч сакин дава.

ФидахIан дардар акьай,

Вун дагвай зас ккандава.

 

     ЭМКI  СУМАН

Iумур вея эмкI суман,

Хьи уларис уч дагвай.

Хьастава хин вас дарман,

Гьинасра иджеф дакьай.