Iурдин вахттуни ибхьер, мекIер ай рекъер иджи адавай читин вейчира дуьяйиъ аруца инсанарис туристарис, чIукь ибгIа хьехаб  ппара тамашин, иджи вахттар алдихьас вере мукьар ая Агъуларин райондиъ.

Адихъас вартт вей амии магъун хIа дагьараригI гIачархьугуна фишттин  гьава ве джандин улар муьхIтал ве. Хьеттар алавере мукьар, дагьарарин кIилар аве чахъ хъуттурфанас, аларуцас шаб агъафсуман.

МагъугIас  гIаттахьхаб  хье хIурар хъучучIаф хъара тамашабур ве. Авалдин хуларин ухьтанди акьуная ая цалар, вершар исаринди удигьай акьуна ая пира, мазгитар. Мазгитар кIвал акьугуна Iари са чIаарин мазгит хьурай, Дагъустандиъ ае ке дахи акьуна  мазгитаригI гIаяф.

Ппара ая аккуьшу хIурар са инсанра андавай. Ппара тамаш э ягIархьас гебурин экьуб — гъайшиб фиштти ичи те вахттари, фи багьана хьуна ичиг е хIурар ккеттархьуф.

ЧIирариъ  ушуна тамашабур аркьай вахттар алдихьас канчи ая нецIв  гьитIуна хьед гъузуна ая ус Хьирагъди веревусаъ. ГIулин вахттуни инсанар ппара завал ве лисаъ сае районариасракехьей.

Ле мукьуйиас  Iайи варха давай ая гостиница, Iуьшар аркьай экьвас кканеттарис чиппин хизанара хъай.

Г Iулин  вахттуни хьибабуриъ гъазе IуькIер айчи, гьавабуриъ  джагвар ибхьер авере мукьар э хье джилар. Сае хIукуматариди пулар ицIанди верегуна фикир, хиялар хьуна ккандава хье усар тисарилас хъатархьа пуна. Завас зе чIаларилди пас хьасе хьес хье ватандин кьимат гъадивас ягIайдава пуна.

 

К. Мирзабрин