Са-Iу хIефттайинди удигьай газитин фейсбукиъ ая группайиди адине кедж. Ге ликIина уйи Болгариъ ая инсанди Йордан Кириллова. Кириллова гьик пуне учис са газит «Вести Агула».

Ги ахъакьуне, учи джалла дуьйил але газитар завал аркьаяф 35 (хьибцIурна гIуьфу) истти. Гьалдис гихъ хъая 9000  (ерчIу агъзур) газит 189 (вершна майцIурна ерчIу) хIуькуматиас. 231 (Iу вершна хьибцIурна са) чIалалди ликIина газитар хъая Кирилловахъ.

Российин газитар гихъ хъая 3500 (хьибу агъзурна сур). Кириллован коллекциъ ая авалдин газитара. Гебирикес: «Амурское эхо» 1911 (агъзурна ерчIу вершна цIеса) исанф, «Дунав» 1865 (агъзурна муе вершна яхьцIурна гъуьфу) исанф.

Российин бицIи халкьарин 43 (ягъцIурна хьибу) газит хъая михъ.

Йордан Кириллова батIарди ухIая учи завал аркьая газитар икIуна кIуранин шкафиъ аккихьуна къизил кеджра. Ги гьалдис акьуная хьибу выставка. ЯгIа-багагь сад сара акьасе. Кириллов уч повар э, хьирна руш кар аркьая мактабиъ. Гебурисра кьабул ве ме эльдемиш хьуная кар. Учис вахтт хьегуна Кириллова Болгарин «Ихтиман» агъа газитиди лиркIендира э.

Ге тегIрифин кар аркьа инсандин тIалабис ваъ пас дахьуна хье чIалан газитра гьикуне. Гьал ги беркв акьуная газитаригI «Вести Агула» гIая.

 

 

О.Мирзоев