Коронавирус итталин гьава яваш хьунайчира хье дуньяйиъ, амма са са инсанарин ме иттталихъди эхттият аме.

Расулова ХадижатГъваарин хIурин дишагьли э, Агъул райондин Типпигъарин хIуриъ КЦСОН идарайиъ кар аркьаяф. Мин пеша яш хьу инсанарихъ ахъаджихIуб. Алттушу иса цулана Хадижата йирхIуне Iугелай ата «Гам-Ковид-Вак» агъа дарман коронавирус итталинф. Кьанди ме дишагьли акьуне ревакцинация, итталин гьавайихъ хъуттудурфуна.

Расулова Хадижатан чIаларилди, ревакцинация учи акьуне пуне учин фикирдилди. Е идарайин хIаттин, е духттурарин тIалаб адавуйи, руб йирхIуне пуне учи джандис хайир хьурай пуна, хъара эхIттият бадала. Хадижатан чIаларилди, гьер инсанди учин джандихъас суман, хулаъ ая хизанарихъас, хъара кардил хъай кар аркьа илдешарихъас фикир акьуна акьуне пуне учи ревакцинация.

Наибет Гасукаева