Дагъусттандин хIатти файшуне мегIрака Дагъусттандин Правительствойиъ кар аркьаяттарихъай. Районаринра шагьурарин хIаттарихъай. Ме кардихъас хабар йине республикайин хIаттин пресс-службайи.
МегIракайил гъургъуне инсанарин фи суаларихъас ппара тIалабламабур айчин, хъара чIирхIарин суалра гъадивуне мисаъ.
Садпе суаларихъас, алттушу 2024 иса бегьемди чIукь хьуная пуне инсанарин сулар. Ме кардихъас ахъакьуне Дагъусттандин Правительствойинра Главайин администрацин хIатти Махач Омарова. Январьдин вазала инсанарин тIалабламабурин хIисаб дивугуна аттархьуне 13,5 агъзур, декабрьдин вазалас мебурин сан Iутти чIукь хьуне (6,5 агъзур). КIилин 2024 исан арай ахъадиву хIисабарилди аттархьуне 100 агъзур инсанарин тIалабар.
Ке ппара инсанари алихьа суаларигI гIая хьибуд ке лазим идеттар. Ме Iеквар, хьеттар, чIирхIар э. ЯгIайин ягъас хьеттин суалар 15% чIукь хьуная алттушу исахъ хъуттурфуна.
Хабди Махач Омаров гъургъуне цIайи бадил хьуная читинвеларихъас. Миштти, 6 январьди, соцсетяриъ бадил хьуне инсанарин гиранвелдин ахттилатар. Ме гъургъубар хьеф газар хъаттархьуна уйихIела Хасавюртовский райондин Сивух, Кирпичкутан, Инхело, Камышкутан (Ахвах) хъара Тукита агъа хIурариъ.
Ме ахттилатарин кIил рудж аттивагунас, ягIархьуне сварка акьуна газарин турбабур гьитIу мукьуйигьас гьаттархьуна кеттвей уйиф газ. ДехIела и инсанарис газар андавуйф. Инсанарин сакинвелдихъас аттивуне маслихIет газар хъадихьас. Кьабахъ ягъан гIуьбехъис дуз акьуна чIирхьу усра ахъихьуне инсанарис газ.
Хъара са кардихъас сара ахъакьуне ме. Северный Кавказдин Ботаюрт агъа хIуриъ ая ке хIа «Батыр-Бройлер» агъа птицефабрикайиъ хьу хатIайихъас. Мисак керхьу цIабур МЧСдин пешакурари кетуне 600 кв. метров. ЦIабур кетас мич адина уйи 26 специалистра 10 машинара.
Уйи са тIалаб сара, Семендердин хьеттихъас. Хьеттин чиркинвелдихъас хабди тIакьван ве отопленин котелар, арцIа хьеттин фильтрабур. ДехIела, «Махачкалинский горводоканал» филиалди мертт акьуне инсанари уха хьед.

Луиза Гусукаева