Дагъусттагндин хIатти, Сергей Меликова, учин къул дивуна, «Суварин кьудрат» (Доблесть гор) агъа республикайин программа дахъуна ая СВОйиъ аяттарисна, тидас аде веттаранарис кардил гъузанас, чиппин къудратар агвар акьас кумак хьебан бадалди.
Ме кар ушу иса хьидана димари арайил акьас хъучучIуна аяф э. Ме программа кIилди Российин- «Игитарин вахтт» агъа программа суманф э. «Игитарин вахтт» агъа программайихъас В.В.Путина «Прямой лини» аягуна иджеф э пуна пуне.
Сергей Меликова дегIвиъас адиная инсанарисна тисаъ аяттарис яхI-намусдин, дугъревелдин, кьудратин кьиматарин иджи гъавурдиъ ая пуна, агъай ве, Ме инсанари чиппи аркьа кар багьана кидикIагъилди арайил аркьай ве. Мебирихъ мус хьичира эхIтибар хъихьас хьасе. Мебири, фиттихъра хъуттудуфуна, джан алиянасе чиппин ватандихъас. Са ватандихъас давай, нае кардихъди хьичира четин вегIдайи гъавурдиъ ай хъучавесе. Ме инсанарис табширмиш акьас хьасе хIуькуматдин удигь гъузубан курар, ге кар алтухъ хьасра акьасе.
ДагъусттанагьлибиригI, СВО-йиаъ аяттаригIра, тидас адинаяттаригIра, ппара карягIай, зигьим алтухъди хъай, иджи кар акьас вере инсанар гIая. Мебирифас республикайин ведомсвабириъ кар акьас хьасе. Мебирихъ джаллабирихъ игитвеларинра, зурбавеларин тарихар хъая. Амма органариъ кар акьуб- рехIетин кар дава-ме гьакIан пеша дава, ме кардил республикайин агъзур-агъзур инсанарин экьуб-гъузуб иджвелихъди духIуба хьас акьуна кканде. Фидегьен зигьим, кьудрат хъаячира, гьер са кардин хIел ягIай кканде, кардихъди вардиш хьунара кканде. Дагъусттандин СВО-йиъас адеттари ппара иджи аркьая чиппис табширмиш акьуна курар.
Агьал хье республиккайиъ, ая вазалан яIани с(ягIа-багагь), кьабул акьас хъучучIая тидас адеттарифас гIерзабур. Наебирин гIерзабур гIаттивучин-тебур региональный программайигI гIачихьасе, сасрабур хIезурди атасе идарабирин удигь кураригI ке иджи курар ягIаяттарихъай: кар ягIар аркьай, гъиликк атасе. Чаб ке иджи агвар акьуттар республикайиъ кар акьас атасе е федералный «Игитарин вахтт» агъа программайин этапигI гIачихьасе, тестированибур дакьуна.
Ме кардил алгъурзанттар: Дагъусттандин хIаттинра, Республикайин Правительство хьасе. Сасра, районарин хIаттарина, шагьурарин хIаттари гъил гьучихьуна кканде ме курар арайил акьас, фи кардис лазимди аячин.
Джалла СВО-йиъас адинаяттарис, хаб дачукIай, гIачучI агъай ая С.Меликова республикайин Правительствойихъай гъил гъилис йирхIуна, хье халкьдис, республикайис гьер са кар бутмиш акьас. Хье республикайи гьер са райондиъ.шагьурариъ яшамиш идже хьебан бадалди. «Суварин кьудрат» агъа программайи хъара Iайи багухьас акьурай хье халкьар чаб чиппихъай! Хье республикайисра, кIилди хIукуматтисра иджвел верегъилди агъа Дагъусттандин хIатти — Сергей Алимович Меликова.
Тамам Рамазанова