Конституция арайил акьубан мегракабур рехIетинттар давуйи, советский вахттарилас мич башламиш акьуна, Госсоветин вахттара гIачихьуна. Учин багухъас, фиштти аргвайчин ме курар, ахъакьуне начальникди управления по ведению регистра ММПА и регистрации ВНТА Министерства юстиции РД Мухтар Пашаев.
Дагъусттандин конституция башламиш акьуная вахттар сифтта советский вахттаралис мич э, ке Iайи 1921, 1927, 1937, 1978 исари. ХIапай герек иде 1921-пе исан конституцин положенибур арайил акьуне кIилиъ гъушуна РСФСРдин 1918-пе исан Конституциас. Хъара инсанарин ахттигьарарна вазифабура ликIине.
1925-пе исан РСФСРдин конституциъ сапай суаларин джуревел уйи 1918-пе исан РСФРдин Конституцилас. ДАССРдин 1921-пе исан Конституцилас 1927 исан Конституциъра джуревел уйи. Кьабахъас кьабул акьу Конституцилди Дагъусттан хIисаб аркьайи кар аркьаттаринра лирханттарин вилаят пуна.
1936-пе исан СССРдин Конституцисра 1937-пе исан РСФСРдин Конституцис герек хьуне цIае кьанунар акьубар. Хабди, вейвей Конституцилди инсанарис мункинвелар ппара йине. 1978-пе иса ДАССРдин Конституцилди Дагъусттандин ттур вартт хьуне.
Вахттар ккетвей агуне, кIилди исари кьабул акьуна арайил акьу конституцин положенибур хабди Дагъусттандин миллатарин  Iуьмурариъ герек хьуне.
1994-пе исан Конституцихъас гъургъучин, ме гьалдис уйиттарилас джурейи и. Миштти идегуна, Iари са инсан давуйи вилаятин хIаф, хIаф хIисаб аркьайи кIилди Дагъусттандин Государственный совет. Мисаъ уйи кар аркьай 14 инсан. Ме Конституция кьабул акьу вахттунилас мич ерчIу исан арайи Дагъусттандиъра Российиъ хьуне ацIуна духIубабур. ДехIела э 10-пе июльди 2003-пе исан кьабул акьуф цIае Конституция Дагъусттандин.

Луиза Гусукаева