Хье хIукуматин Минздравди адихьуная буйругъ COVID-19 агъа итталин руб йирхIас ахттигьар адаттарис. Адихьуная ме кIедж интернет-порталдин правовая информация агъа мукьуйиди.
Ахттигьар адаттар ая хьибу къат: бессрочные, временные хъара сара джура. Бессрочный агъа къатт э аллергия аттар, руб йирхIухаб читин вереттар.
Сайе къат э са вахттунисдегьен ахттигьар адаттарин,читин кедиша итал кеяттар, илгун кедиша иттал кеяттар, хронический иттал алгъазийина аяттар.
Хьибудпе къат- чIирхIе иттал кеяттар, шиникквар, 60 исалас варт хьуттар, хъара вакцинайин инструкцилди ахттигьар адаттар.
Дагъусттандин медицинский университетин кафедрайин доцент Саният Магомедовнайин чIаларилди, ке ппара фикир йина кканди ая хронический иттал кея инсанарис: диабет агъа иттал кеттар, вирусный гепатит кеттар, хъара йиркIв итта инсанар.
«Ппара суалар алихьа час соцсетиъди хронический иттал ая инсанари коронавирусдин рубун Iайвелдихъас. Гьемишттин иттал кея инсанарис пас кканде мебурис сайишти хIекьдан лазимди ая ме коронавирус итталин руб.
Садпеф, COVID-19 агъа итталин руб са багухъасра Iайвел адава инсадин джандис, е ппара хабар ирцIандава, хIапай ме руб дурус э яш хьуная инсанарис.
Iудпеф, нагагь хронический иттал кея инсандис коронавирус хьухаб, мункин э хъара ме итталли зиян еб инсандикк кея итталис»-пуне духттурди Саният Магомедовнайи
Духттурдин чIаларилди, нагаь хронический иттал кея инсанари вахттунис лечение аркьай айчира, руб вахттунис дайирхIухаб мункин э хъара Iайи хьуб.
Хъара Саният Магомедовнайи тайрикь акьуне фуни ая хумбарис ме COVID-19 агъа итталин руб йирхIубахъас.
«Фуни ая хумбарисра лазимди ая ме коронавирус агъа итталин руб, нагагь 22 хIефттайилас вартт вахтт хьунайчин .Са Iайвелра ада ме рубукес е бабас, е шиникквдис. Нагагь коронавирус агъа иттал хьучин, мункин э зиян хьуб шиникквдис суман бабас учисра, мункин э кIеб. Хье Дагъусттандира хьуная кIебар фуни ая хумбарин. Вахттунис руб йирхIуб ке идже кар э», — пуне Саният Магомедовнайи.
ЯгIайин ягъас хье Дагъусттанди ая инсанарис ая мункинвел вакцинабурин Спутник-V, Спутник-Лайт, Эпивак-корона хъара Ковивак руб йирхIас.
Наибет Гасукаева
