Гьалра садпе суал инсанарин амеф, мус ккиркIвасегьан коронавирус агъа иттал пуна э. Инсанарин арайиъра, телевизорариасра, интернетариас ая ахттилат итталинф э. Гагь яваш хьуная, гагь хаб иттаттар ппара хьуна ая агъай. Фиштти ичира, духттурарин чIаларилди, ме иттал гьал инсанаригIас кьацIра гIайчIвас дава. Гьал генара аттархьуная хъара цIае джуре коронавирусдин «омикрон» агъаф. Ме хъара тегIди кедишаф э агъа гIелимари. Михъай хъара Iайи мугъатилди, эхIттиятилди кканде агъа духттурари.

Гьер инсанди учи учис эхIттият дакьучин, сасрайивас акьас вереф дава. АликIуна кканде маскабур, инсан ппара ая усаригьас вархал хьуна кканде, хъара вахттуни вакцинация акьуна кканде. 

Ягъалас ягъа вакцина акьуттарин сан ппара вея. Фас пичин, инсанарин фикирдиди адиная, ме итталис зарафатар дагIаф. Сад ме руб йирхIуттарикес Типигъарин хIа инсан Магомедов Рамазан Курбанович. «Зун алтухъ найчра адайчIвайчира, хулаъ ая хизанари иттал гъас гучIай йирхIуфе руб. Вакцинайи зас алтухъ хабар йиндава. Са бицIи суман Iуьр акьуне руб йирхIу мукьуйис. Сара фиттира бизар акьундава. Итталин кьимат хIафе- инсандин Iуьмур, дехIела хьин гьемихъай мугъатилди хьуна кканде», — пуне Рамазана. 

Луиза Гусукаева