Дагъусттан Республикайин Правительствойин Председатель Магомед Рамазанов кардин бадала гьучархьуне РФ-дин экологинра тIабиIетин нуьгIматарин министрарин заместителар иде Максим Корольковахъайна Мурад Керимовахъай.

Ме мегIракабуригI хъара ишттарак акьуне республикайин тIабиIетин нуьгIматаринра экологин министрдин врио Ратмир Расуловара.
Ме гъургъубаригI ахттилат хьуне тIабиIет ухIубан проектар арайил акьубан, экологин инфраструктура авадан акьубан, чIирхIар фадахъубан кьайдабур цIае акьубан суаларихъас.
Мебур кидавай къара гъургъуне хьеттин рекъер уьркIе акьубан, нецIварин руслобур мертт акьубан, ЧС-дин зарар гьадихьубан, мебурин удигьбагв фацас алучIубан суаларихъасра. Фас пучин гьеме хIезурвелар чIукь идехIела э ме хьидана республикайин сур районариъ угъалари хIа зарар йиф джемеIетин хулар мукьарис.
КIилдин фикир йине джемеIетин хатIасузвел бадала вахттуни мишттин читинвеларикес хабар акьубан суаларис.
КIвал акьасе, самуз дахисуманра гьучархьуна уй Дагъусттандин премьер-министр РФ-дин экологинра тIабиIетин нуьгIматарин министр Александр Козловахъай. Те вегIдайира гъургъуна уй мебур экологин лазим иде суаларихъас, федеральное ведомствойинра республикайин курарин алакъайихъас.

Салихат Малагусейнова