Избербашдиас джигьил къутарчий Дагъусттандил хьед алгъархьу вегlдайи учин зурбавел агвар акьуне. Хье ватанинра джуре хlуькуматаринра информагентствобурис машгьур хьу са ишкилик, ме шагьурдин «Горец» агъа спортивный клубин ученик, ке хlа тренер Муслим Алаудинован кlиркl Джабраил Алаудинова хубджи инсанар къутар акьуне Махачкала шагьурдиъ адивая хулариас. Ме хье Дагъусттан хьетти аккедивас хъучучlу ягъан садпе сеlетар и.

Джабраил Алаудинов — Уральский институт Государственной противопожарной службы МЧС Российин курсант э. Мин гlунарихъ якьу исан хуруб, казармайин режим хъая. Преддипломная практикайин вахтт э. 2026-пе исан 28-пе мартти багаймин сеlет муяйин сура хъучучlуни мин дежурство специализироват акьу поисково-спасательный частуниъ Махачкалайин хlа пожарар кетубан курарин рекъуьъ. Сеlет муяйи ме джаллабурихъай тревогайилди гъадивуне.

Джигьил курсант, учин практикайин садпе ягъа димари ачархьуне ке хlа, читин вакъиайиъ. Кардин рекъуьас хlа илдешарин буюрмишар кlили гъай ме са дакьикьайира гъафилвел даркьай, са фикира фадай гьуккуне читин хlелдиъ аяттарис кумак акьас. Сайихъ сад аркьай аттивуне хьеттин есирдиас хумбар, шиникквар, lуьссеттар. Мидас аттивухаб, хатlа хьуттар гъай уй Махачкалайиъ арайил акьу, вахттунилди мебур кьабул аркьа мукьариди. Магьа гьемишттин «боевое крещение» хьуне мис учин кардин садпе ягъа димари.

Салихат Малагусейнова