Дагъусттандин хIатти ахъакьуне фи курар аркьай айчин инсанарин хулар мукьарис йи зарарин кьимат аттивас.
«Хьудегьен дахи ахъарукьас акьуна кканде инсанарихъди кумакин пул», — пуне Сергей Меликова.

КIилди 43 агъзур гIерза адиная кумакин пул ккане инсанарикес, хабар акьуне Дагъусттандин Минтрудин хIатти Магомедзагид Кихасурова.
«Ме выплатабур ирцIандяф республикайин резервный фондуниас э. Башламиш акьуная выплатабур йис инсанарис», — пуне ми.
Мебурикес 24 агъзур гIерзайик адрес агвар акьуна адава, идехIела читинве пулар гьикубан кар. Республикайин хIатти буюрмиш акьуная ме кар бегьем акьас чаб ая усариъ.
«Зарар хьу хизанарис хьудегьен дахи акьуна кканде кумак, чиппис ке удигьай герек вере задар гъушанас. Чиппин манатар чиппихъди рукьас акьуна кканде. Хабди аттивасе зарар хьубан компенсацира», — пуне Сергей Меликова.
Дагъусттандин Минтруди къанунилди тайрикь акьуная са нубати ирцIан выплата.
Минтрудин горячий линиди ппара суалар гьика инсанари ме кумакин кьадар ахттармиш аркьай.                                                                                                                ИдехIела ме идарайи хабар аркьа.
Гьинас рукьа ме выплата?
Ме кумак рукьа хIекьданди зарар хьуная инсанарис.
Фиштти ягIар аркьайчин ме пул рукьа инсанар:
Ме выплата йис УСЗН агъа идарайи чиппи димари гьика муниципальный образованин администрациди заключени.
Ме заключеник кей кканде магьме шартIар:
1.  ГIерза йи инсан гьеме зарар йи хулаъ э яшамиш вей ая агъаф
2.  Хизанарифас гьеме хулаъ яшамиш акьас вей адава агъаф
3.  Хулаъ ая джалла ишламиш аркьа шейэр чIирхьуная

Фиштти гъуршанчин ме выплата?
Муниципальный образованин администрациас заключени йихаб УСЗНди маслихIет аттива фуланттис ме пулун кумак рукьа пуна.
Минтруди тIалаб аркьая инсанарикес хъугъас хIекь хабарихъ, ера ахттармиш акьас звонок акьуна Минтрудин горячая линиди 88722 64-15-04.

Батитай Габибулаева