Дагъусттан Республикайин Правительствойин Председательдин заместитель Муслим Телякавов кIилиъ ай видеоконференцсвязилди совещание файшуне.
Мисал гъургъуне республикайин гIилмин идарабурин капремонтин программа нацпроектин рамкабуриъ ай авадан акьубан суаларихъас. Вице-премьерди хабар акьуне, «Молодежь и дети», «Семья» агъа национальный проектарин рамкабуриъ ай Дагъусттандиъ федеральный бюджетин пуларилди 2026-пе иса батIар акьасе пуна 27 общеобразовательный идарабур, 6 дошкольныбура.
Ме курар кIили гъасе цIаса муниципальный образованибуриъ. Ме курарис фату кIилди пулун кьадар хьасе 956,3 миллион манат, оснощенисра фатасе 143,2 миллион манат. «Джалла мисагI гIачихьудегьен гIилмин идарабурин ремонтин курарихъас хIуькуматин икьрарар хъитIуна хIезурди ая. Кар акьас гIуьфу объектиъ хъучучIуная, аме усариъра башламиш акьас фикирдиъ ая, дарсарис мушат дахьас хьидин каникулар верегунас. Программа арайил акьуб давам акьасе ниятилди арайил акьу графикдин кьайдайилди», — пуне Телякавова. Мебур кидавайра, гъургъуне, федеральный пулар кидавай, гьеме иса республикайин бюджетилдира акьас фикирдиъ ая ери муниципалитетин гIилмин муя идарайин ремонтарихъасра. Ме кьасттарисра хIезур акьуная 738 миллион манат.
Ме курарихъасра хабар акьуная муниципальный образованибурин вакиларис. Республикайин бюджетилди батIар акьас ккане хьибу идарайин икьрарар гьалдис хIезурди ая единая информационная системайиъ (ЕИС). Мебур э: МБОУ «СОШ № 8» ДагОгни шагьурдиъ, МКОУ «Чунинская СОШ» Левашинский райондиъ, МКОУ «Школа-интернат для детей-сирот» Махачкала шагьурдиъ. Хъара гIуьфу идарайин кIеджар хIезур аркьай рекъериъ ая ихьас ЕИС-диъ. МегIракайил хъара гъургъуне 2028-пе иса батIар акьас йиркIураъ ая идарабурин курарихъас, 2027-пе исас арайил аркьа федеральный бюджетин проектарихъас, 2028-2029-пе исарин планарин периодарихъасра.
Вице-премьерди фикир йине, Дагъусттандин Минобрнакайи, джувабдарвел хъудавай кар аркьа подрядчикарин идарабур ягIар акьуб бадалди, идже усттабур джикIиб бадалди арайил акьу муниципалитетариди гьику бехIсарин программабурисра. РД-йин гIилминра наукайин министр Яхья Бучаева йи хабарилди, 2027-пе иса федеральный бюджетин пуларилди батIар акьасе цIаIуд общеобразовательный, муяд дошкольный идарабур муниципальный образованибуриъ.
ХIуькуматин икьрарар гьалдис хъитIуная гIуьфуд общеобразовательный Iудра дошкольный идарабур бадалди. Ме кар арайил акьуб бадалди сад хьуна загьмат дивая муниципалитетарин администрацибурихъай. Кар аркьа усттабур гIаттивубан бегIсарин гIерзабур кьабул аркьая ЕИС-дин сайтуниъ. Ахирахъди Муслим Телякавова сагелай сара ул ачатуна кIвал акьуне гьалдингъилди ме курарихъас, пулар дузди хардж акьубарихъас икьрарар хъитIубан программа авадан акьуна арайил акьубан лазимвел.
Салихат Малагусейнова
