Дагъусттандин Правительствойин Председательдин заместительди Ризван Газимагомедова ишттарак акьуне Межведомственный координационный штабин заседанигI.

Мисаъ гъургъуб хьуне Российиъ хьеярин кар авадан акьубахъас. Заседани хьуне Москва шагьурдиъ, кIили файшуне Совет Федерацин председательдин садпе заместительди Андрей Яцкина. Андрей Яцкин гъургъуне акьуна ккане проектарихъас ме кар авадан акьуб бадала. Хьудегьен маркетплейсариъ ухIуна кканде хьейикес акьу шейэр.

Мункинвел йина кканде «Шерсть России» агъа сертификат гъушанас хабди иджи ишламиш аркьагъилди. Ризван Газимагомедован чIаларилди Дагъусттан удигь гьая хьеярин кар авадан акьубалди — гьер иса 14 тонна завал аркьа. Ме э 36% кIилди хIуькуматиъ завал аркьаттарикес, хъара 65% СКФОйиъ завал акьубан кьайдайикес. Хье предприятибуриас хьеяр гьика Российин сасра регионаридира, хъара Беларусидира. Ахиран исари Дагъусттандиас Беларусиди, Китайдиди хъара Казахстандиди 3 агъзур тонна хьеяр гьикуная пулун кьадарилди 2,3 миллион долларов дегьен.

«Ме кар авадан акьуб бадала хьеярихъай кар аркьа предприятибурис хIуькуматин багухъас ирцIанде субсидибур хабдира хьеярна кьудакьар бегьем аркьа оборудованибур гъуршангъилди, 70% дегьен харджарис, амма 100 миллион манатилас вартт ачартайдава са проектис. Хье республикайин бюджетиъ ме кардис атуная 100 миллион манат. Ме кидавай «дорожная карта» агъа мегIрака арайил акьас республикайиъ дахъуная промышленный кластер хьеярихъай кар аркьаф, мисагI гIачархьуная 8 предприяти 343,6 миллион манат инвестицибур хъай хъара 147 мукьуйиъ инсанарис цIае кара хьасе. Хабди ме заседанил гъургъуне мич ади вакилар Калмыкия, Карачаево-Черкессия, Бурятия, Тыва агъа республикабуриас, хъара Забайкальскдиасна Ставрапольский крайдиасра, мисариъ худтти авадан акьуная хIуппарин хьеярин кар.

Батитай Габибулаева