Дагъусттандиъ «Школа 21» агъа цlае кампус аркьая. Ме аркьаяф Сбердин лап хlа гlилмин проектилди э, зурба IT -пешакурар арайил акьас. Гlилмин майдан ачухъ акьас йиркlураъ ая гlуьфу верш инсандис мукь вереф.

Ме уч гьаваян формат э 18-я исалас вартт хьу кандидатарис, е мегlелимар, е лекцибур адавай. Гlилми ягlар акьасе 24/7 peer-to-per(равный равному) агъа кьайдайилди. Студентари проектарихъай кар акьасе цифровой платформайил, джаллабури хъай хурай, сури сурин дарсар ахттармиш аркьай.

Программайи хlайи фикир ирцlанде ппара лазим иде рекъерин практикайис: AI, Data Science, кибербезопасность, облачные технологибур, хъара DevOps.
Гьалдис монолитный курар акьуная, якьудпе мартабайин перекрытибура заливат акьуная. Гьал гlана багварин курар кlили гъая. Коммуникацибур хъиртlанде, инженерная системабурин монтажар аркьая.

Дагъусттандин Минцифрабури хабар аркьа, ягlа багагь кандидатарин отбор хъучучlасе пуна. Гьемишттин махьтабар лап батlарди кар акьас хъучучlуная Российин 20 региондиъ.

Салихат Малагусейнова