Вице-премьер Муслим Телякавова Махачкала шагьурдин, Р. Гамзатован ттуранихъ хъая Миллатарин библиотекайин площадкайил Межведомственный комиссин заседание кIили файшуне, гIулин вегIдайи шиниккварин сагъламвел дуз акьубанра мебурин эл ккетубан суаларихъас.

Мисал гъургъуне 2025-пе исан гIулин лагерарин оздоровительный кампанибурихъас, ме исан оздоровительный кампанин хIезурвеларин суаларихъасра.

Муслим Телякавова кIвал акьуне, 2025-пе исан гIулин вегIдайи Дагъусттандиъ кар аркьай уйиф 258- я лагерьди. Мебурикес 22 лагерь шагьурарин къерегъ арин оздоровительный идарабурин стационарный базайинттар, якьуд сменабура ай, 236-хьи лагерь шиникквар ягъуйи вей Iуьши хулади вереттар, мишттар дахъуна уй 48-я муниципалитетиъ.
КIилди усариъ 39-чIу агъзур шиник квилас вартт кьабул аркьай уй.
2026-пе иса фикирдиъ ая 357 ягъуйин лагерар арайил акьас, 34-у агъзур шиниккв кьабул аркьагъилди.

Гьеме иса шиниккварин оздоровительная кампания арайил акьуб бадалди республикайин бюджетиас 429,4 миллион манат ачухъ акьуная.

Ме 4 процентин вартт э цацан 2025- пе исан кьадарихъ хъуттурфуна.
ЯгIайин ягъас гIерзабур адиная шагьурдин къерехарин лагерар «Каскад», «Радость», «Время дела» дахъубан, хъара гIуьфу лагерь кардик кихьас йиркIураъ ая РД-йин Минобрнаукайин подведомственныбура.
Путевкабур гъушанас документар кьабул акьасе МФЦ-йиъ е дахьучин «Лагеря» АИС-диъ. Ме карди алттушу иса дадар — бабарис мугьлат йини шагьурарин къерехарил але лагерариди гIерзабур госуслугабурин порталиас ликIенас.

Салихат Малагусейнова

☀️Фото: Будни Оздоровительного лагеря дневного пребывания «Соколенок», село Буркихан Агульского района, летом 2025 года.