Российин Минюсти къанунигьас джинин майнинг бадала уголовный джувабдарвелдиъ духIубавелар акьуная.

Российин Федерацин юстицин министерствойи федеральный къанунин проект арайил акьуная. Ме проектилди ахттигьар ая РФ-дин Уголовный, Уголовно-процессуальный кодексаригI духIубавелар гIачихьас, нагагь къанунигьас джинди цифровой волютайин хIа кьадарарилди майнинг аркьахаб. Проектилди гьучихьая РФ-дин Уголовный Кодекс, «Незаконные майнинг цифровой валюты и деятельность оператора майнинговой инфраструктуры» агъа цIае, 171.6 статьяйилди давам акьуб.

Ппара хIа джувабдарвел ая нагагь мишттин кар завал хьу са кIватIал инсанари хъай акьучин, хъара нагагьттан мебури акьу карди джуре инсанарис хIа зарар йичин, идарабурис, хIуькуматис 13,5 млн манатилас вартт зарар йичин, хъара нагагь ме кардикес чиппис лап хIайи хайри кеттивуна уйчин. ЦIае статьяйин къадагъабуригI гIачархьа: ГIуьфу верш агъзуралас 2,5 млн манатихъди рукьуна штрафар, гIуьфу исан принудительный курар Е дахьучин гIуьфу исан дусттагъра штрафра.

Хъара ме законопроектилди мумкинвел ая къанунигьас джинин майнингдис ишламиш акьу шейэр конфисковат акьубра. Нагагь йидегьен зарар кIилди пулулди хъатIучин уголовный джувабдарвел хъаттархьа. КIилдин джуваб йина ккан хьасе лазим иде реестрдигI гIачидихьуна майнинг аркьа инсанарис, 3,5 млн манатин е дахьучин хъара хIа зарар йихаб. Миштти хьучин штраф хьасе 1,5 млн манатихъди рукьуна, хъара принудительный курара. Акьу шулугъин къекъевелдилас асуллу ий ме кар кIили гъасе ОВДйин пешакурари: дознавателари, следователари. Хьес ягIа къанунигьас джинин майнингди ке ппара зарар ирцIанде Iекварин синарис, перезагрузкабур ве, аварийный хъадихьубар ве, Iеквар дузди ишламиш аркьа инсанарихъди чиппин лазимвелдис кьадмивел фай рукьайдава. Ме духIубавеларикес кумак хьасе lекварин кьадмивел ухIас, инсанаринра хIуькуматинра интересар ухIасра. Ме кардин рекъуьас шулугъар акьуттар арайилди аттивуб давам акьасе системайин основайилди. Къануниъ адай Iеквар ишламиш акьуб, майнингдихъай алакъа идеттара.

Салихат Малагусейнова