Сергей Меликован буюрмишилди Республикайиъ ахттармиш акьасе КФХ-бури арайил аркьая курар.
Гьеме кар бадала РД-йин Правительствойин Председательди Абдулмуслим Абдулмуслимова файшуне совещание.
Совещанил гъадивуне республикайиъ КФХ-бури арайил аркьая курарин суалар. Мебурин чиппин кар хIуькуматин къанунин тIалабар идегъилди бегьем аркьайчин.
Абдулмуслим Абдулмуслимован чIаларилди КФХ арайил акьас кьастт аттарин сифтта ахттармиш акьуна ккандея хIурин магIишатин курар аркьаттарин гIерза налоговый идарайиди рукьуна айчин.
Мишттин алгъузубарилди ягIар акьас хьасе КФХ-бурин курар арайил аркьаттарин кьасттар, хъара мункинвел йисе ахттармиш акьас мебури хIекьунилди ишламиш аркьайчин джилин сурсатар, фидигьен кар аркьа инсанари хIекьунилди кар аркьайчин.
Миштти ичира квалас гьатуна ккандава, федеральный къанунилди тасттикь акьуна адава ОКВЭД-йин кодарилди, КФХ-йифас къадагъабур алиянас давереф. ДехIела мебурин садпу кар хьуна кканде хIурин магIишатинф. Ме суалар кIили гъас, хъай арайил акьуна кканде мегIракабур.
«ЯгIайин ягъас республикайиъ исан арайиъ арайил аркьая натиджабурикес 10% бегьем аркьая КФХ-йи. Мебурин бегьемвеларилас асуллу э сельскохозяйствойин аваданвел. Дагъусттандиъ КФХ арайил аркьаттарис ая хIурин мегIишатин закат 1%. Са пай предпринимателари ме кар цIакуна ишламиш акьуная.
Дагъусттандиъ ягIайин ягъас арайил аркьая 7 агъзур КФХ-бур (Крестьянско-фермерское хозяйство), ИП (Индувидуальный предприниматель).
2024-пе иса региондин хIурин магIишатин министерствойиас фатуная 12 млрд манат са агъзур КФХ-йисна ИП-йис», — пуне Абдулмуслимова.

Наиба Гасукаева