Дагъусттандин информацинра печатин Агентствойи Запорожский областтин Михайловский райондиди ппара хIа улакьар ацIуна гуманитарный кумак гьикуне.

ГIедат идегъилди ме кумак завал акьуне тисаас ке ппара тIалабламабур фи шейэрихъас айчин гьетебурикес, хъара мебурис ке удигьай лазим идеттарикесра, Iеле задарикес.
Мебур кидавай гьер махьтабариди, садикариди гьикуне Дагъусттандин шаирарин шиирар, хабарар, СВО-йин игитарихъас ликIиттар, тарих, культура, республикайин гIедатар кея китабара. РД-йин информацинра печатин Агентствойин хIаттин советник Мурад Магомедкеримован чIаларилди гуманитарный кумакигI гIая кьасу сттира гIаттиву художественный китабар, мисагI Дагъусттандин шаирарин произведенибура гIая.

Ме карди Iари гIилмин рекъуьас майил йиб кедавай, хъара Запорожский областтин инсанар хье халкьарин культурайихъайра таниш акьасе. «Ме акция кIвал акьуна арайил файдине РД-йин информацинра печатин Агентствойин хIатти Арсен Юсупова, хабра нубати Михайловский райондин дусттарис майил исе пуна. Ме кардин са мегIна сара ая, гьеме подшефный райондин халкьдис ватан националистаригьас чиппин lуьмурарин кьиматилди ухIу, хъара ягlара ухIай ая игитарихъас ягlар акьуб. Гьеме китабар кIилди гIачихьасе образовательный процессигI», — пуне Дагинформдин хIаттин советникди.