«Мус хьучира, «баб», «хизан», «дадан ватан» агъа чIалар ий, э, гьалдин хабра хьасе ке багъри гирамибур. Ватанперасвел хъучучIаф гьер са инсандин лап гьете ке бицIи Iуьмурдихъас мич э. Нагагь бицIигуна димари ватанперасвелдин уд шиникквдин йиркIураъ дузучин хабдира баджат кегъучIасе мин батIар тук. Дагъусттандин ттур гьеммишандира вартт э учин мус хьучира ватан бадалди са фикира дакьуна гъайшина гьуджумдиди вере, ватанперасвелдин чишна иде игитарилди. КIвал акьасе Верхний Дженгутай агъа са бицIи суман хIуриас 86 инсан ая СВО-йиъ ишттарак аркьай. Зе хъугъуб хъая. Хье эскерарин гьунарар кьехIалвелдинчишна хьасе пуна джалла несиларис. Хье гьер са инсандин йиркIураъ амилгвасе мебурин игитвелна зурбавел. Белики фуш хьунара мебурис ухшар хьасра алучIас идеф хьасе», — пуне Абдулмуслим Абдулмуслимова.
Правительствойин Председательди хъара кIвал акьуне шиникквди учин халкьдин культурайин, гIедатарин ягIарвелдин бина ккиланф садикариъ димари идеф, ватандин удигь гьертти ухIуна ккане рекъ, учил але бурдж ягIар вереф. Мисаъ багьа э ватанперасвелдин кьиматра ягIар хьуб, учин Ватандин надирвелна, гьава велра ягIар акьуб.

Салихат Малагусейнова