Дагъусттандиъ ппара инсанар ая, зоб агъа иттал кеяттар (ме иттал верефе йод агъа элемент гьудуркIаягуна Iеле задаригIна уха хьеттигI). Ме кардихъас хIуькуматин хIаттарира фикир аркьая, йод гIая кьел, Iеле задар акьуб бадалди. Россия хIуькуматин хIаттарин икьрарилди Дагъусттандин хIаттара хъучушуна кканди ая инсанарин сагъвел бадалди агвар акьуна ая кардихъ.
Федеральный гIилмин малархIуппарин центрайи гьучихьуна ая хье республикайин хIаттарис проект, фиштти хIел аркьайчин ме суал. Мебури агъа: инсанарис зарар кидавай йод ишламиш акьас, сагелай маларин ярмабуригI гIай кканде гебурис ягъниш деве джурейин йод. Хабди, гебурикес гъушу якк, некк, гъурагъалар ирцIанди кканде бицIиттарисра, хIаттарис, садикариди, больницабуриди, Iуссеттарна иттаттар ая мукьариди.
Гебур йичин, джалла инсанарин итталихъди сагъвелдин цIуппевел хьасе.
«Хье республика йод гьудуркIа регионаригI гIая. ДехIела ме гьучихьуна ая четинвел хIел аркьа проект духттурарина гIелимари хъай хIел акьас алучIуна кканде», — пуне Дагъусттандин Правительствойин хIатти Абумуслим Абумуслимова.
Гьеме 2024-пу иса садпу экспериментар акьас кканди ая. Ме экспериментарин иджвелнаIайвелихъас пасе духттурарина фермерари. Ме исследованибур Всероссийский научно-исследовательский институтдин хIавел фай аркьаяттар э.
Хье республикайис гьучихьуна ая хIуппарис, маларис, пеIерис зарар кидава органический йод гIая ярмабур.
Тамам Рамазанова