Лап дахи вахттаринхаб мич ишламиш аркьаяфе инсанари гIудул, фи зад хьучира акьас вере иф. Микес яракьин кьаяр, къалханар, гьер джуре кьабар (хIуьягар, гурар, тIабакIар, хьед гъаре гварар, хIуни уза бадрабур, хьед уха касланар), хъара гереквелдин джуре шейэра. Ифан кьабар, Iачинттаривна куранинттарив фачикIугуна, гебурилас ппара цIуппи э. ДехIела, инсанарис ифакес фи хьучира акьас ягIар хьухаб, бицIи-бицIи Iачин кьабарин еринди ифанттар ишламиш аркьай хъучучIуне. Ифакес джандис зарар дахьас, ифан кьабарин ганас къала атай хъучучIуне. ГIанабагвус кидавай, кьабарин варттал багвусра атайи
къала. Гин варттал батIар накьишар аркьайи. Ругъу хьед агьарта ифан кьабарин гIанаъ къубачибурин усттабури мерттхьунис мум адаркайи. Ме кар къала йирхIастти аркьайиф идеф и, фас пучин, къала йирхIас дагIай
уйихIела. Ифан кьабар бегьем багьаттар и, дехIела гебур хъаяттар девлет хъаяттар хIисаб аркьайи. Ифакес къабар аркьагъилди. Ифакес къабар е фи ичира сасра задар аркьаф атай е кьурцар гьиртIанди и, кIилин хIа кьурцукес кертIай. ИцIуна агьатуна акьу задар тек-тюкра авефттавуйи, Къубачибурин накьиш кея хIуьягар суманттар. КIилиастти ифан задар аркьаф сад сайигI мезар гIачартай кикъвас аркьай и, хабди арсна уьлуьхIуьм, е къургъушум гIачартай кикъвас аркьайи.
Тамам Рамазанова