Гьер са итталис аве хъудуьхьуь руб-дарман. Амма магьа Iу исалас вартт дегьен гагь хьуная хье вилаятиъ бадил хьуна коронавирус агъа иттал. ЦIайи ме иттал аттархье вахттуни ппара зарар йине инсанарис. Агьалра, аргва хIеларилди, итталин гьава зайдейи яваш хьуна айчира, арабир аркьай мисаъ-тисаь сад-Iуд иттаттар бадил ве. Вахтт ккеттушуна, иттаттарин сан чIукь хьуна айчира, инсанарис кIвалас ушуна адава, фишттин татима ичин ме азар. Агьал сур хIуькуматари къадагъабура алттивуне, сур усариъ мехIелди аме маскабур аликIубар. Амма, фидегьен иттал яваш хьуне агъайчира, инсанарин йиркIвариъ мехIелди гучI аме. МехIелдис кIвалас ушуна адава инсанарин, хьимуйин Iуьмур пуч акьучин коронавирусди. Ме итталивас сагъ хьуна хье инсанари ягIара джандин хьава ачукь хьуна адава агъа.

Агьал, иттал инсанарин арайиъ амичира, вакцинацин кумакилди рехIет хьуне. Фас пучин, руб йирхIуна иттархьеттаринра дайирхIуна иттархьеттарин гьава джурейи э. Руб йирхIуттарис алтухъ азият ирцIандава. ДехIела э духттурарира, хIуькуматин хIаттарира джемеIетикес тIалаб аркьая, джандин гьавайихъ хъуттурфуна, вакцинация акьуб.

Л. Гусукаева