Ме гIулана, ацIуна сасра районариъсуман, хье райондиъра угъуне ппара угъалар. IуькIер фацуна гъили агъдивуттар суман хIа хьуне, малдисра пара Iелеф хьуне. Амма ая джуре багвара Iашар ппара хьубан. 

Рухар хIа хьуна ккерчIуна ая рекъер, мугIарин багвар фарчIу мукьар ая, хIиллайи алихьу цIуьре шиферара але хулариъди кевей хъучучIуне, гIанарин цIалар адихьуне.

Тпигъарин хIуриъ «Агъуларин хабарарин» редакцин удигь ая хулан калтуфар узуна ая гIанан цал арчIуне. Бахтт хьуне фиттисра зарар дайиф. АрчIу цалин эесира уйи, гьал ме цал акьубдала кар пеша адава зе агъай.

ДжемеIети ишламиш аркьа рекъ, мугI чIир хьугуна е хIуькуматти, е халкьди алчахъуна дахи арайил акьас ве, мискин шувас зарар хьугуна гин вахттра, пулра, гуджра пара аттве.

Iайи хIа зарар хьу курарис хIуькуматти кумакар аркьайчира, мишттин курар вун кIилиъ дафайдина вахъас гьинара акьасттава.