Коронавирус хьуна иттаттарин кьадар чIукь хьуна айчира, эпидемиологический хIел дуньяйин читинди аме. Хьин гьергелай кIвал аркьа ке удигьай прививкабур джемеIетин арайиъ кар аркьа инсанари акьуна кканде пуна. Ме кардилас асулу э итталин радж кедишиттарин сан вартт дахьуб. COVID-19 агъа итталин макурзанавел э тегIди кедишиб. Хъара дахи алттве ме алакьу джигагьариъ. Нагагь идарайиъ хъай кар аркьа инсанарикес сад дехIера иттархьучин, ме багьана хьуна джаллабурис кедишасе. Прививка кумак хьасе вирус дахьас. Иттархьуттара рехIетти алавесе.
Шабанова Надият Османовнайи кар аркьая хIа яш хьу инсанарихъай. Мишттин инсанари иттал читинди гъадивая хIела, хъара гьелбетта учин сагъламвелдисра кумак хьас акьуне Надият Османовнайи прививка.
«Зас багьа э зун кар аркьай ая хIа яшунин инсанар, дехIела мебурин сагъламвелдис зуна багьана хьуна, хатIа дахьурай пуна, зун йирхIуне ме руб», — тавсир акьуне Надият Османовнайи.
Салихат Малагусейнова
